Հույն նախարարի սկանդալային հայտարարությունը. «Մի գիշեր մենք կարող ենք հանկարծակի գալ Անկարա»

Քաղաքական13:10, 23 Հուլիս 2024

Հույն նախարարի սկանդալային հայտարարությունը. «Մի գիշեր մենք կարող ենք հանկարծակի գալ Անկարա»

Հունաստանի առողջապահության նախարար Ադոնիս Գեորգիադիսը հեռուստատեսային հաղորդման ժամանակ հայտարարել է, որ մի գիշեր իրենք կարող են հանկարծակի հարվածել Անկարային F-35-ներով։ Մեկ շաբաթ առաջ Հունաստանի պաշտպանության նախարար Դենդիասը նույնպես հանդես էր եկել Թուրքիային վրդովեցնող նմանատիպ հայտարարություններով, որոնք թիրախավորում էին Կիպրոսի թուրքերին ու թուրքական բանակին։

Թուրքական կողմը դժգոհել էր նախ Հունաստանի պաշտպանության նախարար Դենդիասի՝ թուրքերին որպես օկուպանտ բնութագրող ձևակերպումներից, ապա նաև՝ վարչապետ Կիրիակոս Միցոտակիսի՝ «մեկ պետությամբ» խնդրի լուծման և Թուրքիայի երաշխիքներից հրաժարվելու մասին հայտարարություններից։

Հունաստանի առողջապահության նախարարն էլ, ելույթ ունենալով Open TV-ի եթերում, հայտարարել է, որ ցանկության դեպքում իրենք կարող են թիրախավորել Անկարան՝ պնդելով, որ Թուրքիան ավիացիայի բնագավառում զրո է։

Ադոնիս Գեորգիադիսը մասնավորապես նշել է․

«Թուրքերի՝ «Մենք կարող ենք հանկարծակի գալ մի գիշեր» կարգախոսն ինձ ծիծաղեցնում է։ Փաստորեն, մենք կարող ենք հանկարծ մի գիշեր Թուրքիայում լինել մեր գնած F-35-ներով, կարող ենք մի գիշեր հանկարծ լինել Անկարայում՝ F-35-ներով։ Ես չեմ ասում, որ մենք դա անելու ենք, բայց Էրդողանն ինձ ծիծաղեցնում է նման հայտարարություններով»։

Աղբյուր` Ermenihaber.am

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: