Թուրքիան սիրիացի վարձկաններ է հավաքագրում

Ռազմական11:40, 24 Հուլիս 2024

Թուրքիան սիրիացի վարձկաններ է հավաքագրում

Մարդու իրավունքների սիրիական դիտորդական կենտրոնի (SOHR) աղբյուրները հայտնում են, որ Թուրքիայի կողմից ահաբեկչական կազմակերպություն որակվող «Քուրդիտանի բանվորական կուսակցության» (PKK-ՔԲԿ) դեմ պայքարելու համար Թուրքիայի զինված ուժերը Իրաքյան Քուրդիստանի շրջանում փորձում են ավելացնել սիրիացի վարձկանների թիվը։

Նշվում է, որ Թուրքիայի իշխանությունները վարձկաններին առաջարկում են բավականին գրավիչ աշխատավարձ՝ 2500-3000 դոլար մեկ վարձկանի համար։

Նաև նշվում է, որ ի տարբերություն նախկինում Ադրբեջանում, Լիբիայում և Նիգերում Անկարայի կողմից սիրիացի վարձկաններին տրվող վճարին, վերոհիշյալ վարձավճարի չափը բավականին բարձր է և դրանով Թուրքիան նպատակ ունի խրախուսել վարձկաններին։

Ըստ SOHR-ի հավաստի աղբյուրների՝ սպասվում է, որ որպես վարձկաններ «Սուլթան Սուլեյման Շահ», «Ալ Համզա» և «Սուլթան Մուրադ» ստորաբաժանումների մոտ 400 սիրիացի մարտիկ կընդգրկվեն այդ շարքերում։

Աղբյուր` bianet.org

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: