Էրդողանը հեռախոսազրույց է ունեցել Սոմալիի նախագահի հետ

Քաղաքական08:20, 30 Հուլիս 2024

Էրդողանը հեռախոսազրույց է ունեցել Սոմալիի նախագահի հետ

Հուլիսի 29-ին Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Սոմալիի նախագահ Հասան Շեյխ Մահմուդի հետ:

Թուրքիայի նախագահականի հանրային կապերի վարչության տարածած հաղորդագրության համաձայն, օրակարգում են եղել Թուրքիա-Սոմալի երկկողմ հարաբերությունները, ինչպես նաև տարածաշրջանային և համաշխարհային նշանակության հարցեր:

Էրդողանը կարևորել է Սոմալիի տարածքային ամբողջականությանը սատարելու Թուրքիայի դիրքորոշումը:

Նա նաև հայտնել է, որ Թուրքիան շարունակելու է աջակցել Սոմալիին ահաբեկչության դեմ պայքարի հարցում, ինչպես նաև սերտ միջնորդական գործունեություն ծավալել Սոմալիի և Եթովպիայի միջև առկա հակամարտության լուծման համար:

Թուրքիայի նախագահն ընդգծել է, որ էներգետիկայի, պաշտպանության, ինչպես նաև շատ այլ ոլորտներում երկու երկրի միջև առկա համագործակցությունները, աճելով, շարունակվելու են:

Հիշեցնենք, որ հուլիսի 29-ին Թուրքիայի խորհրդարանում ընդունվել էր Սոմալիում թուրքական զորակազմի ծառայության ժամկետը ևս 2 տարով երկարաձգելու մասին Էրդողանի հրամանագիրը:

Աղբյուր` trthaber.com

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: