Հասարակական17:24, 23 Օգոստոս 2024
Երևանից Իգդիր մեկնած ուղղաթիռը Հայաստան է տեղափոխել ՀՀ քաղաքացու, ով Թուրքիայում հայտնվել էր կոմայի մեջ (տեսանյութ)
Օգոստոսի 17-ին Թուրքիայում Արարատ լեռան գագաթ բարձրանալուց և իջնելուց հետո Հայաստանի 48-ամյա քաղաքացի Ա. Վ.-ի առողջական վիճակը հանկարծակի վատացել էր, կորցրել էր գիտակցությունը։ Նրան շտապ տեղափոխել էին Դողուբայազեթի Յաշար Էրյըլմազի անվան պետական հիվանդանոց։
Հիվանդանոցի բժիշկները միջամտել են դիաբետիկ կոմայի մեջ ընկած ՀՀ քաղաքացու կյանքը փրկելու համար։ Չնայած մի քանի օրվա բուժմանը՝ հիվանդի վիճակը շարունակում էր մնալ ծայրահեղ ծանր։ Հայաստանում նրա հարազատները ցանկանում էին նրան հնարավորինս շուտ տեղափոխել Հայաստան։ Միևնույն ժամանակ թուրք բժիշկները միանշանակորեն պնդել էին, որ փոխադրումն իրականացվի օդային ճանապարհով՝ բարդացումներից խուսափելու նպատակով։
ՀՀ Արտաքին գործերի նախարարության և ՀՀ վարչապետի աշխատակազմի Հանրային կապերի և տեղեկատվության կենտրոնի համատեղ աշխատանքի շնորհիվ անմիջապես կազմակերպվել է օդային ճանապարհով ՀՀ քաղաքացու տեղափոխումը։
Հայաստանի արտգործնախարարությունը Թուրքիայի արտաքին գործերի նախարարության հետ բանակցությունների արդյունքում թռիչքի թույլտվություն է ստացել։ Օգոստոսի 22-ին հայկական սանիտարական ուղղաթիռը վայրէջք է կատարել Իգդիրի օդանավակայանում և տեղափոխել Հայաստանի քաղաքացի Ա. Վ.-ին Երևան՝ Էրեբունի բժշկական կենտրոն։
Վերջին տեղեկություններով՝ կնոջ առողջական վիճակը բարելավման միտում ունի, այլևս չի գնահատվում որպես ծայրահեղ ծանր։
Այս ենթաբաժնի վերջին նորությունները
Վանա լճի Աղթամար կղզու մասին մի լեգենդ է շրջանառվում, ըստ որի, այնտեղ հրեշ է ապրում:
Թուրքիայի հողային կադաստրի և անշարժ գույքի առքուվաճառքի գործակալությունը տվյալներ է հրապարակել ադրբեջանցիների կողմից Թուրքիայում անշարժ գույք ձեռք բերելու վերաբերյալ։
Ուղարկված օգնությունը հիմնականում բաղկացած է սննդից, դեղորայքից և բժշկական պարագաներից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Վանա լճի Աղթամար կղզու մասին մի լեգենդ է շրջանառվում, ըստ որի, այնտեղ հրեշ է ապրում:
«Բաքվի անվտանգության համաժողովի» շրջանակներում Քալընը հայտարարել է, որ Թուրքիան շարունակելու է հետախուզական դիվանագիտության գործունեություն ծավալել՝ «պատերազմներին վերջ տալու համար»:
Ավելի քան 85 մլն բնակչություն ունեցող Թուրքիան ծերացող բնակչության ցուցանիշով 184 երկրների շարքում զբաղեցնում է 67-րդ տեղը։
DEM կուսակցության խորհրդարանական ֆրակցիայի ղեկավարի ժամանակավոր պաշտոնակատար Ֆյուլյուստան Քըլըչ Քոչյիղիթն անդրադարձել է Թուրքիայի աշխատաշուկայում տիրող իրավիճակին:
Թուրքիայի պետական սեփականություն հանդիսացող նավթագազային խոշոր «BOTAŞ» կորպորացիան «TotalEnergies» էներգետիկ ընկերության հետ հեղուկ գազի գնման շուրջ համաձայնություն է ձեռք բերել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |