Անկարայում հանդիպել են Թուրքիայի և Ադրբեջանի ԱԳ նախարարները

Քաղաքական09:34, 28 Օգոստոս 2024

Անկարայում հանդիպել են Թուրքիայի և Ադրբեջանի ԱԳ նախարարները

Օգոստոսի 27-ին Թուրքիայի արտգործնախարար Հաքան Ֆիդանը հանդիպել է ադրբեջանցի իր գործընկերոջ՝ Ջեյհուն Բայրամովի հետ:

Ֆիդանը Բայրամովի հետ ունեցած համատեղ մամուլի ասուլիսի ժամանակ, Ադրբեջանին որակելով եղբայրական պետություն, գործուն է համարել «մեկ ազգ, երկու պետություն» ըմբռնումը:

Թուրքիայի արտգործնախարարն այդ համատեքստում շեշտել է վերջերս Լեռնային Ղարաբաղի հարցում Ադրբեջանի կողքին լինելու փաստը, իսկ նախկին հայկական տիրապետությունն այդ հողերի վրա որակել «բռնազավթում»:

«Մեր նախագահի և նախագահ Ալիևի կողմից 2021թ․ հունիսի 15-ին ստորագրված Շուշայի (Շուշի) հռչակագրով դաշնակցային մակարդակի բարձրացած Թուրքիա-Ադրբեջան հարաբերություններն էլ ավելի առաջ տանելու համար առանց ընդմիջման շարունակում ենք մեր աշխատանքները»,-ասել է նա:

Այնուհետև, անդրադառնալով հանդիպման օրակարգին, նշել է, որ քննարկվել են տնտեսական համագործակցությանը ու երկկողմ հարաբերություններին վերաբերող հարցեր, ինչպես նաև տարածաշրջանում և Հարավային Կովկասում տիրող իրավիճակը:

«Եվս մեկ անգամ վերահաստատել ենք Հարավային Կովկասում մնայուն խաղաղության և կայունության պահ առաջ հաստատման ուղղությամբ մեր համատեղ ցանկությունը։ Այս շրջանակում գնահատել ենք Ադրբեջանի և Հայաստանի միջև խաղաղության գործընթացում արձանագրված զարգացումները»,-հավելել է Ֆիդանը:

Օրակարգից դուրս չեն մնացել համաշխարհային զարգացումներն ու «Թյուրքական պետությունների կազմակերպության» (ԹՊԿ) ինստիտուցիոնալ աշխատանքների ամրապնդմանը վերաբերող հարցերը ևս:

Այս համատեքստում երկու երկրների նախարարները մտքեր են փոխանակել տարածաշրջանային փոխկապվածության, լոգիստիկ ճանապարհների և դրանց զարգացման հարցերի վերաբերյալ:

Թուրքիայի արտաքին քաղաքական գերատեսչության ղեկավարը շեշտել է, որ ադրբեջանցի գործընկերոջ հետ քննարկումներում անդրադարձ է կատարվել նաև Պաղեստինի Գազայի հատվածում Իսրայելի կողմից իրականացվող հարձակումներին՝ տեղի ունեցողը որակելով կոտորած:

Ֆիդանը խոսքն ամփոփել է՝ Ադրբեջանի և Թուրքիայի միջև առկա հարաբերությունների հետագա շարունակական խորացման մասին շեշտադրմամբ:

Աղբյուր` Trthaber.com

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան, Ադրբեջանը, Վրաստանը և Բուլղարիան պատմական համաձայնագիր են ստորագրել

Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։