Հասարակական09:57, 03 Սեպտեմբեր 2024
Թուրքիայում ամերիկացի զինվորականի նկատմամբ բռնություն է գործադրվել
Սեպտեմբերի 2-ին Թուրքիայի արևտմյան հատվածում գտնվող Իզմիր քաղաքում ուշադրության արժանի հերթական դեպքն է տեղի ունեցել:
Մասնավորապես «Թուրքիայի երիտասարդական միության» (TGB) անդամները բռնություն են գործադրել քաղաքում շրջող ամերիկացի զինվորականի նկատմամբ և պարկ քաշել նրա գլխին:
Նշվում է, որ ամերիկացի զինվորականը Իզմիրի նավահանգստում գտնվող ԱՄՆ-ի ամենամեծ ավիակիր ռազմանավի՝ «USS Wasp»-ի վրա ծառայություն իրականացնող անձնակազմի անդամ է:
Դեպքի վերաբերյալ X-ի սոցհարթակում գրառում է կատարել Թուրքիայի «Հայրենիք կուսակցության» գլխավոր քարտուղար Օրհան Բուրսալըն՝ խրախուսելով TGB-ի անդամների արարքը:
«Հայրենիք կուսակցության առաջամարտիկ երիտասարդները և TGB-ական առյուծներն ամերիկացի սպայի գլխին պարկ են քաշել:
Սա թուրք երիտասարդների նվերն է Պաղեստինին, Գազային և ԱՄՆ-Իսրայելի դեմ առաջին ճակատում պատերազմող ամբողջ մարդկությանը:
Այս հողերում իմպերալիստներին, սիոնիստներին և ԱՄՆ-ի զինվորներին հանգիստ չկա՛: Փրկու՛մ ենք»,-գրել է նա:
Այս պահին դեպքի առթիվ ձերբակալվածների թիվը 15-ն է:
Հիշեցնենք, որ նույն օրը հանցավոր բռնության ավելի դաժան դեպք էր գրանցվել քաղաքում: Նախկինում հանցագործության համար ցմահ դատապարտված և պայմանական ազատության մեջ գտնվող անձը շղթայական սպանություն և կողոպուտ էր իրականացրել Իզմիրի թաղամասերում, ինչի արդյունքում 2 մարդ էր մահացել:
Այս ենթաբաժնի վերջին նորությունները
Անդրադառնալով Թուրքիա-Իսրայել տնտեսական հարաբերություններին՝ ակցիայի մասնակիցները նշել են, որ առկա տվյալները ցույց են տալիս, որ առևտուրն ամբողջությամբ դադարեցված չէ։
Թուրքական ընկերությունները Սաուդյան Արաբիայում կանցկացնեն տեխնիկական խորհրդատվություն շինարարական ոլորտում։
Դահլիճում մեկը ոտքի է կանգնել և սկսել Թուրքիայի նախագահին մեղադրել երեսպաշտության մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Աբբաս Արաղչին անդրադարձել է Իրանի և Թուրքիայի միջև տարածաշրջանային ընդհանուր մտահոգություններին:
Թրամփի երդմնակալության արարողությունը նախատեսված է 2025 թվականի հունվարի 20-ին Սպիտակ տանը:
Ստոքհոլմի խաղաղության հետազոտությունների միջազգային ինստիտուտը զենքի համաշխարհային առևտրում տարբեր պետությունների ունեցած մասնաբաժնի վերաբերյալ զեկույց է հրապարակել։
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
Թուրքիա կատարած այցից հետո այդ մասին հայտնել է Իրանի արտգործնախարար Աբբաս Արաղչին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |