Իրավական09:55, 05 Սեպտեմբեր 2024
Ստամբուլի «Եսայան» հայկական դպրոցի նախկին տնօրենը մեղադրվում է պաշտոնը չարաշահելու մեջ
Թուրքիայում «Եսայան» հայկական ավագ դպրոցին կից Բեյօղլուի «Երեք Խորան եկեղեցու» հիմնադրամի կառավարությունն ավագ դպրոցի նախկին տնօրեն Սաթենիկ Նեկտար Նիշանի դեմ դատական հայց է ներկայացրել:
Հիմնադրամը Սաթենիկին մեղադրում է «Թուրքական մշակույթ» առարկա դասավանդած ուսուցչին անօրինաբար կոծկելու և դասերից բացակայող ուսուցիչներին վճարելու մեջ:
«Թուրքական մշակույթ դասավանդող ուսուցիչը մոտավորապես 1 տարի շարունակ աշխատել է առանց նահանգապետարանից և շրջանի ազգային կրթական վարչությունից թույլտվություն ստանալու: Կասկածյալ տնօրենի կողմից վճարներ են ապահովվել նաև դասին չմտած մի շարք ուսուցիչների: Ցույց է տրվել, թե նրանք դասին եղել են»,-ասվել է հիմնադրամի հայտարարության մեջ:
Մեղադրանքներին ի պատասխան դպրոցի նախկին տնօրենը հերքում է դրանց իրավացիությունը:
«Առանց ազգային կրթական վարչությունից թույլտվություն վերցնելու հնարավոր չէ ուսուցիչ աշխատել: Բողոքող կողմը հստակ կերպով չի նշել, թե որ ուսուցիչը և կամ որ ուսուցիչներն են եղել: Ուստի, պարզ է դառնում, որ պնդվող հանցանքները զրպարտությունից այն կողմ չեն անցնում»:
Հավելենք, որ չնայած Սաթենիկի հակադարձումներին Ստամբուլի գլխավոր դատախազությունը, ամփոփելով դեպքի առթիվ մեկնարկած հետաքննությունը, Սաթենիկ Նեկտար Նիշանի նկատմամբ «Պարտականությունները չարաշահելու» հատկանիշներով 7 ամիս 15 օրից մինչև 3 տարի 5 ամիս ժամկետ ենթադրող ազատազրկման պահանջով դատական գործ է հարուցել:
Նշենք, որ Նիշանն ավագ դպրոցում տնօրեն է աշխատել 1993-ի մարտի 1-ից մինչև 2020-ի օգոստոսի 21-ը:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Վաշինգտոնը շարունակում է ճնշում գործադրել Թուրքիայի վրա, որպեսզի Անկարան Ռուսաստանին չօգնի շրջանցել սահմանված պատժամիջոցները:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |