Հասարակական17:05, 06 Սեպտեմբեր 2024
Թուրքիայի ընդդիմադիր կուսակցությունը հայտարարություն է տարածել սեպտեմբերի 6-7 պոգրոմի մասին
Թուրքիայում գործող ընդդիմադիր «Ժողովուրդների հավասարություն և ժողովրդավարություն կուսակցության» (DEM) մարդու իրավունքների և հավատալիքների հանձնաժողովի փոխխոսնակներ Յուքսել Մութլուն և Մահֆուզ Գյուլերյուզը հայտարարություն են տարածել 1945-ի սեպտեմբերի 6-ից 7-ն ընկած ժամանակահատվածում Թուրքիայում քրիստոնյա փոքրամասնությունների նկատմամբ իրականացված հարձակումների մասին:
Հայտարարության մեջ ասված է.
«69 տարի առաջ մեր տարածքներում ապրող հույն, հայ, ասորի և հրեա հայրենակիցների նկատմամբ սեպտեմբեր 6-7-ին իրականացված պոգրոմը խորհրդանշում է ոչ միայն այս ժողովուրդների նկատմամբ իրականացված ֆիզիկական հարձակումները, այլև պետական աջակցությամբ սեփականազրկման և գույքի յուրացման գործընթացը:
Այս օրը հիշյալ պատմական ամոթանքի հետ առերեսվելու, պատասխանատուներին բացահայտելու և իրական խաղաղության և հավասար հայրենակցության պայքարի մասն է:
Մենք հարգանքով և տխրությամբ ենք հիշում սեպտեմբերյան պոգրոմի ժամանակ կոտորված մեր հայրենակիցներին: Մենք ևս մեկ անգամ շեշտում ենք, որ նման ողբերգություններ չապրելու համար անհրաժեշտ է առերեսվել պատմության հետ և ապահովել իրական խաղաղություն ու արդար կարգեր»:
Հիշեցնենք, որ 1955-ի սեպտեմբերի 6-ի առավոտյան Ստամբուլում թուրքական մամուլը կեղծ լուր էր տարածել Սալոնիկում Թուրքիայի Հանրապետության հիմնադիր ու առաջին նախագահ Մուստաֆա Քեմալ Աթաթուրքի տան պայթեցման մասին։ Թեև ավելի ուշ պարզ դարձավ, որ տեղեկությունը չի համապատասխանում իրականությանը, սակայն Ստամբուլի, Իզմիրի, Անկարայի ու մի շարք այլ քաղաքների քրիստոնեաբնակ թաղամասերի վրա թուրք ազգայնականների զանգվածային հարձակումները չկանխվեցին։
Ըստ թուրքական մամուլի՝ դեպքերի ժամանակ մահացել է 11 հոգի: Մինչդեռ հայ և հույն համայնքների պնդմամբ՝ մահացածների թիվն ավելի շատ է: Դեպքերի ընթացքում ավերվել են բազմաթիվ տներ, քրիստոնյաներին պատկանող խանութներ և գործարաններ: Այս հարձակումները պատճառ դարձան բազմաթիվ հայերի և հույների՝ Թուրքիայից արտագաղթելուն, նոսրացան հայ և հույն համայնքները:
Այս ենթաբաժնի վերջին նորությունները
Ստամբուլում Ճապոնիայի գլխավոր հյուպատոսությունը հերքել է այն լուրերը, թե Թուրքիայի քաղաքացիների համար հոկտմեբերի 1-ից պարտադիր վիզային ռեժիմ է մտցվելու:
Թուքրիայում «ASAL Research» կազմակերպությունը 6 նահանգում սոցհարցում է անցկացրել։
Թուրքիայի Մուղլա նահանգի Բոդրում քաղաքոււմ Կանանց համերաշխության ասոցացիան բողոքի ակցիա է իրականացրել 8 ամյա աղջնակի՝ Նարին Գյուրանի սպանության դեպքի հետ կապված։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի աևմտյան հատվածում գտնվող Սաքարիա նահանգում գրանցված պայթյունի պատճառների մասին տեղեկություններ դեռևս չեն հաղորդվում:
Պաղեստինցի հետազոտողը պարզել է, որ Թուրքիայից պարբերաբար 11 նավով մատակարարում է իրականացվում Իսրայել:
Թուրքիայի ազգային հետախուզության ծառայության ղեկավարը և Պաղեստինի Գազայի հատվածում իշխող խմբավորման առաջնորդները քննարկել են հրադադարի հաստատմանը վերաբերող հարցեր:
Նա ընդգծել է, որ թուրքական իշխանություններին կոչ է արել կիրառել անհրաժեշտ բոլոր միջոցները, որոնք Քավալայի և Դեմիրթաշի վերաբերյալ ավելի վաղ սահմանվել էր դատարանի կողմից:
Թուրիայի Սոմա քաղաքում գործող «Fernas հանքագործություն» ընկերության նախկին աշխատակիցներն ակցիա էին կազմակերպել Թուրքիայի հարավ-արևմտյան հատվածում գտնվող Բոդրում նահանգում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |