Թուրքիան բալիստիկ հրթիռների փորձարկման համար ցանկանում է Սոմալիում բազա հիմնել

Ռազմական15:55, 10 Սեպտեմբեր 2024

Թուրքիան բալիստիկ հրթիռների փորձարկման համար ցանկանում է Սոմալիում բազա հիմնել

Թուրքիան Սոմալիի հետ բանակցություններ է վարում այդ երկրում բալիստիկ և տիեզերական հրթիռների փորձարկման նպատակով բազա հիմնելու շուրջ։ Անանուն մնալ ցանկացող աղբյուրները հայտնել են, որ Անկարան հեռահար փորձարկումներ իրականացնելու համար ընտրել է Սոմալիի դիրքը, քանի որ այն գտնվում է Աֆրիկա մայրցամաքի արևելյան ծայրին և լավագույնս հարմար է Հնդկական օվկիանոսին ուղղված արձակումներ իրականացնելու համար:

Վերջին տարիներին Թուրքիան ավելացրել է իր ազդեցությունը Սոմալիում պաշտպանական համագործակցության և ենթակառուցվածքային նախագծերի միջոցով։ Նշվում է, որ օրինակ «Վագներ» վարձկաններն այնքան պահանջված չեն, որքան Թուրքիայի «Bayraktar TB2» անօդաչու թռչող սարքերը, որոնք արդեն ձեռք են բերել 11 Աֆրիկյան երկրներ:

Թուրքիայի նախագահ Ռեջեփ Թայիփ Էրդողանը դեռևս 2022 թվականին հայտարարել էր, որ Թուրքիան աշխատում է Tayfun հրթիռների հեռահարությունն ավելացնելու ուղղությամբ: Այս պահին Թուրքիայի ամենաերկար հեռահարության հրթիռը՝ Tayfun-ը, 2022 թվականի հոկտեմբերին և 2023 թվականի մայիսին հաջողությամբ ավարտել է փորձարկումները և սկսել արտադրվել: Այն այժմ ունի 561կմ հեռահարություն, որը նախատեսվում է հասցնել 1000 կմ-ի։

TAYFUN-ը, հավանաբար, շուտով կկորցնի Թուրքիայի ամենաերկար հեռահարության հրթիռի համբավը, քանի որ ասպարեզ կգա CENK հրթիռը, որի հեռահարությունը ավելի քան 1000 կմ է։

Թուրքիայի և Սոմալիի միջև 2015թ. ստորագրված ռազմական արդյունաբերության ոլորտում համագործակցելու պայմանագիրը թույլ է տալիս կողմերի տարածքներում ռազմական սարքավորումների համատեղ հետազոտություն և արտադրություն իրականացնել:

Երկու երկրները համաձայնել են ավելի շատ ամրապնդել իրենց պաշտպանական և տնտեսական համագործակցությունը առաջիկա 10 տարում:

Թուրքիան իր արտասահմանյան ռազմաբազաներից ամենախոշորը բացել է Սոմալիում դեռևս 2017-ին։ Այժմ Թուրքիան սպասում է, որ Սոմալիի կառավարությունից ստացված առաջարկի հիման վրա Սոմալիի բաց ջրերում նավթի և բնական գազի պաշարների որոնման համար հորատիչ նավ ուղարկի։

Թուրքիան վերջին տարիներին սեփական բալիստիկ հրթիռների զարգացումը և համալրումը կատարել է՝ հաշվի առնելով աշխարհում բալիստիկ հրթիռների արագ տարածումը և հրթիռային տեխնոլոգիաների առաջընթացը:

Աղբյուր` gdh DEFENCE

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: