Թուրքիան խմելու ջրի աղքատության շեմին է

Տնտեսական12:02, 13 Սեպտեմբեր 2024

Թուրքիան խմելու ջրի աղքատության շեմին է

Թուրքիայի ջրային ռեսուրսների ինստիտուտի (SUEN) ղեկավար, պրոֆեսոր Լյուֆթի Աքջան անդրադարձել է Թուրքիայում խմելու ջրի խնդրին: Ըստ նրա՝ Թուրքիան առաջիկայում կարող է ջրային պաշարների առումով աղքատ պետություն դառնալ:

«Մեր երկրում առկա ամբողջ ջրի ծավալը, ներկայիս բնակչության տեսանկյունից հաշվարկելիս, յուրաքանչյուր մարդու համար տարեկան կտրվածքով 1312 խմ է կազմում:

Այստեղ միջազգային ինդեքս կա և եթե մի երկրում 1 մարդուն բաժին հասնող ջրի ծավալը 1000-ից 1700 խմ է, ուրեմն, այդ երկրում առկա է ջրային սթրես, եթե 1700 խմ-ից բարձր է՝ ջրային հարստություն, եթե 1000 խմ-ից ցածր է՝ ջրային աղքատություն կամ չորություն, իսկ եթե ցածր է 500 խմ-ից՝ ապա արդեն ծայրահեղ չորություն»,- ասել է պրոֆեսորը:

Այս համատեքստում նա ընդգծել է, որ Թուրքիայի բնակչության աճի և համաշխարային կլիմայի փոփոխությունների հետևանքով ջրի աղբյուրների սակավության պարագայում 2050-ականներին Թուրքիայում 1 մարդուն բաժին հասնող ջրի ծավալն անպայման կդառնա 1000 խմ կամ ավելի ցածր:

«Այդպիսով Թուրքիան թեկնածու երկիր է՝ ապագայում ջրի տեսանկյունից աղքատանալու առումով»,-շեշտել է Աքջան:

Աղբյուր` Diken.com.tr

Այս ենթաբաժնի վերջին նորությունները

15:43, 03 դեկտ

Ռուսաստանում փորձում են կանխել «‎թուրքական սցենարի»‎ կրկնումը

Վերլուծաբանները նշում են, որ Ռուսաստանի Կենտրոնական բանկը կոշտ դրամավարկային քաղաքականություն է իրականացնում՝ նման սցենարը կանխելու համար։

16:16, 29 նոյ

Տնտեսագետ. «Մեծ անորոշություն կա, թե հայ-թուրքական սահմանի բացման դեպքում Թուրքիան ինչ մաքսային քաղաքականություն կվարի»

Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։