Թուրքիան գերիշխող դիրք ունի անօդաչու թռչող սարքերի համաշխարհային շուկայում

Ռազմական11:42, 18 Սեպտեմբեր 2024

Թուրքիան գերիշխող դիրք ունի անօդաչու թռչող սարքերի համաշխարհային շուկայում

Թուրքիան առաջ է անցել Չինաստանից՝ դառնալով անօդաչու թռչող սարքերի (ԱԹՍ) համաշխարհային շուկայում ամենամեծ մատակարարը։ Նոր ամերիկյան անվտանգության կենտրոնի (CNAS) զեկույցի համաձայն՝ աշխարհում ռազմական անօդաչու թռչող սարքերի վաճառքի 65%-ն այժմ իրականացվում է Թուրքիայի կողմից։ Սա զգալի տեղաշարժ է 2014 թվականի համեմատ, երբ Չինաստանը զբաղեցնում էր առաջատար դիրքը:

Ըստ թուրքական մամուլում տեղ գտած պնդումների՝ շուկայում Թուրքիայի հաջողությունը պայմանավորված է նրա զինված անօդաչու թռչող սարքերի արդյունավետությամբ, ինչպիսին է Bayraktar TB2-ը, որոնք լայնորեն օգտագործվել և օգտագործվում են այնպիսի հակամարտությունների գոտիներում, ինչպիսիք են Լիբիան, Լեռնային Ղարաբաղը և Ուկրաինան:

Նշվում է, որ անօդաչու թռչող սարքերն արագ առաքելու կարողությունը և մարտադաշտում ունեցած հաջողություններից նրա դրական համբավը օգնել են Թուրքիային այս ոլորտում համաշխարհային առաջատար դառնալ:

Ըստ աղբյուրի, 2018 թվականից ի վեր Թուրքիան, Չինաստանը և ԱՄՆ-ն ընդհանուր առմամբ անօդաչու թռչող սարքերի վաճառքի 69 գործարք են իրականացրել 40 տարբեր երկրների հետ, և առաջատարը Թուրքիան է: Զինված անօդաչու թռչող սարքերի պահանջարկը կտրուկ աճ է գրանցել, և այս աճող շուկայում Թուրքիայի գերակայությունը դանդաղելու նշաններ ցույց չի տալիս:

Աղբյուր` www.memurlar.net

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: