Թուրքիայի հատուկ ջոկատայինները մասնակցել են Ղազախստանում անցկացված զորավարժությանը

Ռազմական09:30, 20 Սեպտեմբեր 2024

Թուրքիայի հատուկ ջոկատայինները մասնակցել են Ղազախստանում անցկացված զորավարժությանը

Սեպտեմբերի 19-ին Ղազախստանի հարավային Թյուրքիստան նահանգում Թուրքիայի մասնակցությամբ զորավարժություն է անցկացվել:

«Անսահման եղբայրություն-3» զորավարժությանը մասնակցել են նաև Ղազախստանի, Ադրբեջանի, Ուզբեկստանի, Կատարի և Պակիստանի հատուկ ջոկատայինները:

Նշված երկրներից ընդհանուր առմամբ մասնակցել է ավելի քան 400 զինվոր: Զորավարժությունը միտված է եղել բանակների միջև փորձի փոխանակության ապահովմանը և համատեղ գործելու կարողությունների աճին:

Զինվորականների կողմից իրականացվել են գործողություններ, որոնք ենթադրել են տակտիկական կրակային, պարաշյուտային և լեռնային վարժանքեր:

Խաղարկվել է հատուկ գործողության սցենար, ըստ որի, վնասազերծվել են մարդաշատ շրջան ապօրինաբար ներթափանցած զինված խմբավորում:

Նշենք, որ բացի վերոնշյալ երկրներից ևս երկուսը՝ Ղրղզստանը և Հորդանանը, զորավարժությանը մասնակցել են դիտորդի կարգավիճակով:

Աղբյուր` Aksiyon.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: