Քաղաքական09:40, 23 Սեպտեմբեր 2024
Kathimerini. ԱՄՆ-ն Անկարային S-400-ների վերաբերյալ նոր առաջարկ է ուղարկել
Թուրքական լրատվամիջոցներում տարածվում են հունական «Kathimerini» թերթում տեղ գտած լուրերը, որոնց համաձայն՝ Վաշինգտոնն Անկարային նոր առաջարկ է արել՝ ռուսական S-400-ների խնդիրը լուծելու հետ կապված:
Ըստ այդմ՝ ամերիկյան կողմը առաջարկում է S-400 հակաօդային համակարգերը պահել Թուրքիայի Ադըյաման նահանգի Ինջիրլիք քաղաքում տեղակայված իր ռազմաբազայում:
Նշվում է նաև, որ այս առաջարկով խախտված չի լինի նաև Թուրքիայի և Ռուսաստանի միջև առկա համաձայնաթյունը:
Հունական թերթը պնդում է, որ երկու կողմն էլ առաջարկի նկատմամբ դրական են տրամադրված:
Բացի այդ, «Kathimerini» թերթի հետ զրույցում Պենտագոնի նախկին պաշտոնյա Մայքլ Ռուբինը հայտարարել է, որ Սպիտակ տունն ու Պենտագոնն այդ առաջարկը փոխանցել են Թուրքիայի իշխանություններին՝ ընթացիկ տարվա հուլիսին:
«Իմ աղբյուրները ասում են, որ միջազգային գործերի համար պատասխանատու պաշտպանության փոխնախարար Ջելեսթե Վալլանդերը և ԱՄՆ ազգային անվտանգության խորհրդում նախագահի հատուկ խորհրդական և Եվրոպայի հարցերով ավագ ղեկավար Մայքլ Քարփենթերը 2024-ի հուլիսի 1-ից 2-ը Թուրքիա կատարած այցի ընթացքում թուրք գործընկերների հետ քննարկել են F-35-ի համաձայնագիրը նորից կյանքի կոչելու մասին:
Նրանք F-35-ի ծրագրում (Թուրքիային) ներգրավելու դիմաց Թուրքիայից պահանջել են, որ կամ S-400-ներն ուղարկվեն ԱՄՆ, կամ տեղափոխվեն Ինջիրլիքի ռազմաբազայում ԱՄՆ-ի վերահսկողության տակ գտնվող հատված»,-հավելել է նա:
Հունական թերթը, հիմնվելով այլ աղբյուրների հետ ունեցած զրույցների վրա, նշում է նաև, որ վերոհիշյալ թեմայով ԱՄՆ-Թուրքիա բանակցություններն ակնկալվում է շարունակել ՄԱԿ Գլխավոր ասամբլեայի նստաշրջանի շրջանակներում:
Այս ենթաբաժնի վերջին նորությունները
«Medyascope TV»-ի կայքում հրապարակվել է Ռուշեն Չաքըրի «Ինչու՞ է Էրդողանը համառում հանդիպել Ասադի հետ. 4 պատճառ» հոդվածը:
Նախատեսվում է թուրք նախարարի հանդիպումը ՌԴ նախագահ Վլադիմիր Պուտինին։
Թուրքիայի արտգործնախարարը ելույթ է ունեցել «Իսլամական համագործակցության կազմակերպության» և «Արաբական լիգայի» Գազայի հարցով շփման խմբի արտգործնախարարների նիստին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ՄԱԿ Գլխավոր ասամբլեայի 79-րդ նստաշրջանին մասնակցելու նպատակով ԱՄՆ մեկնած Թուրքիայի նախագահը հանդիպել է Սերբիայի և Ալբանիայի ղեկավարներին:
Թուրքական լրատվամիջոցներում տարածվում են հունական թերթում տեղ գտած լուրերը, որոնց համաձայն՝ Վաշինգտոնը Թուրքիային նոր առաջարկ է արել՝ ռուսական S-400-ների խնդիրը լուծելու հետ կապված:
Թուրքիայի արտգործնախարարը ելույթ է ունեցել «Իսլամական համագործակցության կազմակերպության» և «Արաբական լիգայի» Գազայի հարցով շփման խմբի արտգործնախարարների նիստին:
Հանցանքի մեջ մեղադրվող անձը վերահսկողության տակ մնալու պայմանով այժմ գտնվում է ազատության մեջ:
Դա կլինի երկու երկրների առաջնորդների առաջին դեմ առ դեմ հանդիպումը Թուրքական տանը այն բանից հետո, ինչ Փեզեշքիանի ընտրվել է Իրանի նախագահի պաշտոնում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |