Էրդողանը շարունակում է հանդիպումներ ունենալ ԱՄՆ-ում

Քաղաքական11:57, 24 Սեպտեմբեր 2024

Էրդողանը շարունակում է հանդիպումներ ունենալ ԱՄՆ-ում

Սեպտեմբերի 23-ին Թուրքիայի նախագահ Ռեջեփ Թայիփ Էրդողանը շարունակել է ԱՄՆ-ում մեկնարկած հանդիպումների շարքը:

«Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանին մասնակցելու նպատակով Նյու Յորքում գտնվող Էրդողանը հանդիպումներ է ունեցել թուրքական տանը՝ «Türkevi»-ում:

Նա այնտեղ ընդունել է միջազգային քրեական դատարանի գլխավոր դատախազ Քարիմ Քանին:

Քանի հետ հանդիպմանն Էրդողանն անդրադարձել է Պաղեստինի Գազայի հատվածում Իսրայելի կողմից իրականացվող գործողություններին՝ տեղի ուենցողը որակելով «ցեղասպանություն»:

Նա նշել է, որ Իսրայելի վարչապետ Բենյամին Նեթանյահուի վարչակազմը խախտում է միջազգային օրենքներն ու մարդու իրավունքները և այն ընկալմամբ, թե իրենց կանգնեցնող ոչ մի ուժ չկա, պլաններ է կազմում իր «բնաջնջումներին» նորերն ավելացնելու համար:

«Թուրքիան շարունակելու է ցեղասպանական հանցագործությունը հստակ ապացույցներով փաստելու համար անել հնարավոր ամեն բան»,-հավելել է նա:

Թուրքիայի պետական «Anadolu» լրատվական գործակալության համաձայն՝ Էրդողանը գլխավոր դատախազին է տվել Գազայում Իսրայելի կողմից իրականացվողի մասին պատմող «Ապացույց» և «Վկայություն» գրքերը:

Էրդողանն ընդունել է նաև Քուվեյթի թագաժառանգ Շեյխ Սաբահ Քալեդ ալ-Համա ալ-Սաբահին:

Օրակարգում են եղել երկկողմ հարաբերությունները և տարածաշրջանային ու համաշխարհային խնդիրները:

Թուրքիայի առաջնորդը նշել է, որ Թուրքիա-Քուվեյթ հարաբերությունները զարգանում են մի շարք ոլորտներում՝ տնտեսությունից մինչև ռազմարդյունաբերություն և դրանք առաջ մղելու համար մեծացնելու են գործադրվող ջանքերը:

Այս պարագայում ևս քննարկման հարցերի մեջ է եղել Գազայի խնդիրը և Իսրայելի կողմից Լիբանանի վրա իրականացվող հարձակումները:

Էրդողանը կարևորել է Իսրայելի կողմից միջազգային օրենքների և մարդու իրավունքների խախտմանը վերջ դնելու համար մարդկության և, մասնավորապես, իսլամական աշխարհի կողմից գործադրվող ջանքերի մեծացումը:

«Իսրայելը վաղ թե ուշ օրենքի առաջ պատասխան է տալու՝ իր կատարած մեղքերի համար»,-հավելել է նա:

Թուրքիայի նախագահն ընդունել է նաև Գերմանիայի կանցլեր Օլաֆ Շոլցին:

Այս պարագայում Գազայի հարցից, տարածաշրջանային և համաշխարհային զարգացումներից զատ քննարկվել են նաև Թուրքիայի Եվրամիությանն (ԵՄ) անդամակցելու գործընթացի վերականգնմանը վերաբերող հարցեր:

Էրդողանը նշել է, որ Թուրքիան և Գերմանիան արմատական հարաբերություններ և կապեր ունեցող դաշնակիցներ են:

Բացի այդ, նա շեշտել է, որ Թուրքիան պատրաստ է երկու երկրի համար շահեկան քայլեր իրականացնել, ինչպես նաև շարունակելու է բոլոր ոլորտներում համագործակցության զարգացմանը, հնարավորությունների դիտարկմանը և բազմակողմանիությանը միտված աշխատանքները:

Թուրքիայի ղեկավարը, ԵՄ-Թուրքիա հարաբերությունների վերակենդանացումն անհրաժեշտ համարելով, ասել է, որ Թուրքիան Գերմանիայից աջակցություն է ակնկալում հատկապես վիզաների ազատականացման խնդրի հնարավորինս շուտ կարգավորման համար:

Ավելի վաղ տեղեկացրել էինք նաև «Türkevi»-ում Էդրողանի և Իրանի նախագահ Մասուդ Փեզեշքյանի հանդիպման մասին:

Աղբյուր` Trthaber.com

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան, Ադրբեջանը, Վրաստանը և Բուլղարիան պատմական համաձայնագիր են ստորագրել

Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։