Թուրքիայի ՊՆ նախարարը մասնակցում է Ադրբեջանի ռազմարդյունաբերական միջազգային տոնավաճառին

Ռազմական16:13, 24 Սեպտեմբեր 2024

Թուրքիայի ՊՆ նախարարը մասնակցում է Ադրբեջանի ռազմարդյունաբերական միջազգային տոնավաճառին

Թուրքիայի պաշտպանության նախարար Յաշար Գյուլերը պաշտոնական այցի շրջանակներում գտնվում է Ադրբեջանում։ Գյուլերը Բաքվում մասնակցում է Ադրբեջանի պաշտպանական արդյունաբերության միջազգային տոնավաճառին (ADEX 2024)։

Գյուլերի հետ Բաքու են մեկնել նաև Թուրքիայի ԶՈՒ Գլխավոր շտաբի պետ Մեթին Գյուրաքը, ռազմածովային ուժերի հրամանատար, ծովակալ Էրջյումենթ Թաթլըօղլուն, ցամաքային զորքերի հրամանատար, գեներալ Սելչուք Բայրաքթարօղլուն և օդուժի հրամանատար, գեներալ Զիյա Ջեմալ Քադըօղլուն։

Տոնավաճառում ցուցադրված է 38 երկրի 270 ընկերության արտադրանք, որտեղ Թուրքիայի պաշտպանական արդյունաբերության տեխնոլոգիական արտադրանքն ապահովում է ամենամեծ ներկայացվածությունը՝ ցուցադրված է թուրքական շուրջ 50 ընկերություն։ Տոնավաճառում Յաշար Գյուլերի գլխավորած պատվիրակությանն ուղեկցել են Ադրբեջանի նախագահ Իլհամ Ալիևը, պաշտպանության նախարար, գեներալ Զաքիր Հասանովը և Սոմալիի պաշտպանության նախարար Մուհամմեդ Նուրին։

Աղբյուր` haberglobal.com.tr

Այս ենթաբաժնի վերջին նորությունները

12:38, 02 ապր

Թուրքիան և Իրաքը խորացնում են ռազմավարական համագործակցությունը

Մասնավորապես Անկարայի և Բաղդատի օրակարգայն հարցերի թվում է 3 համաձայանգրի քննարկումը և իրագործումը, որոնք վերաբերում են ռազմական ոլորտին։

14:33, 01 ապր

ԱՄՆ Կոնգրեսի Ներկայացուցիչ. «F-35 կործանիչները չեն գնա Թուրքիա»

Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։

11:16, 01 ապր

Օջալանի զենքերը վայ դնելու կոչին 2 խումբ կարող է ընդդիմանալ

«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։