Քաղաքական09:10, 26 Սեպտեմբեր 2024
Քուրթուլմուշ․ «Չենք ընդունում Ռուսաստանի դեմ սահմանված միակողմանի և անարդար պատժամիջոցները»
Թուրքիայի ազգային մեծ ժողովի նախագահ Նուման Քուրթուլմուշը ելույթ է ունեցել Ռուսաստանի Դաշնության խորհրդարանում։ Նա մասնավորապես անդրադարձել է ռուս-թուրքական հարաբերություններին և նշել, որ խորհրդարանները մեծ պարտականություններ ունեն երկու երկրների միջև հարաբերությունները պահպանելու հարցում։
Քուրթուլմուշը հայտարարել է, որ երկու երկրների հարաբերությունները ոչ միայն առևտրի, այլ նաև էներգետիկայի, պաշտպանության և զբոսաշրջության ոլորտներում կշարունակեն աճել և ուշադրություն է հրավիրել հարաբերությունների զարգացման կարևորության վրա։
Քուրթուլմուշը նաև հայտարարել է, որ որոշ միակողմանի պատժամիջոցների պատճառով երկկողմ առևտրի ծավալները ցանկալի մակարդակում չեն, բայց Թուրքիայի և ՌԴ-ի ղեկավարների կողմից 100 միլիարդ դոլար որոշված երկկողմ առևտրի ծավալը կիրականացվի մոտ ապագայում։ Թուրքիայի խորհրդարանի նախագահը ընդգծել է, որ իրենք չեն ընդունում Ռուսաստանի դեմ սահմանված միակողմանի և անարդար պատժամիջոցները և մատնանշել, որ Անկարայից Մոսկվա կարող են հասնել 2․5 ժամում, մինչդեռ ավելի քան 4 ժամի շրջել են Սև ծովով, Կովկասով և հասել Մոսկվա։
Թուրք պաշտոնյան հավելել է․ «Սա այն գինն էր, որը մենք վճարեցինք եվրոպական փակ օդային տարածքի և պատժամիջոցների պատճառով։ Ես կցանկանայի ևս մեկ անգամ հայտնել, որ մենք դա ճիշտ չենք համարում»։
Միաժամանակ ընդգծել է, որ մարդկության պատմությունը ցույց է տվել, որ այս միակողմանի պատժամիջոցներից ոչ մեկը երբևէ չի հասել ակնկալվող նպատակներին։ Որովհետև եթե նույնիսկ պատժամիջոցները քաղաքական բնույթ են կրում, դրա գինը վճարում է ժողովուրդը։
«Ակնհայտ է, որ այս ներդրումներից որոշ այլընտրանքային ելքեր կան և Թուրքիան հավատում է, որ Ռուսաստանը կգտնի այդ պատժամիջոցներից, հատկապես ֆինանսական ոլորտի պատժամիջոցներից այլընտրանքային լուծումներ»,- նշել է Քուրթուլմուշը։
Այս ենթաբաժնի վերջին նորությունները
Թուրքիայի խորհրդարանի նախագահը ելույթ է ունեցել ՌԴ խորհրդարանում և նշել, որ ՌԴ-ի ու Թուրքիայի խորհրդարանները մեծ պարտականություններ ունեն երկրների միջև հարաբերությունները պահպանելու հարցում։
Թուրքիայի ներքին գործերի նախարար Ալի Յերլիքայան հայտարարություն է տարածել անօրինական միգրացիա կազմակերպողների և անօրինական միգրանտների հայտնաբերմանը միտված «Kalkan-27» գործողության մասին:
Օմեր Բոլաթը ելույթ է ունեցել ԱՄՆ-ում «Անատոլիայի առյուծներ գործարարների ասոցացիայի» ամերիկյան գրասենյակի կողմից կազմակերպված միջոցառմանը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրակարգում են եղել երկկողմ հարաբերությունները և տարածաշրջանում տեղի ունեցող զարգացումները:
Ամենաշատը Թուրքիա մեկնել են Ռուսաստանից (4.5 մլն այցելու)։ Երկրորդ տեղում Գերմանիան է (4.3 մլն այցելու)։
Տոնավաճառում ցուցադրված է 38 երկրի 270 ընկերության արտադրանք, որտեղ ամենամեծ ներկայացվածությունն ունի Թուրքիան։
Թռիչքների չեղարկումը պայմանավորված է Իսրայելի կողմից Լիբանանի վրա իրականացված օդային հարձակումներով:
Ընդդիմադիր MTP-ի նախագահ Ահմեդ Յըլմազ. «Եթե ցանկանում եք սիրիացների, աֆղանցիների և այլոց համար արաբերեն պաստառներ տեղադրել՝ ձեր խանութները կարող եք բացել արաբական երկրներում»;
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |