Էրդողանն ԱՄՆ-ից ակնկալում է այլ վերաբերմունք Թուրքիայի նկատմամբ

Քաղաքական17:00, 27 Սեպտեմբեր 2024

Էրդողանն ԱՄՆ-ից ակնկալում է այլ վերաբերմունք Թուրքիայի նկատմամբ

Թուրքիայի նախագահ Ռեջեփ Թայիփ Էրդողանը, ԱՄՆ-ից վերադառնալիս, ինքնաթիռում պատասխանել է լրագրողների հարցերին:

Էրդողանն ընդգծել է, որ Անկարայի և Վաշինգտոնի հարաբերություններում առկա դժվարությունները շարունակվում են:

Նա նաև նշել է, որ ցանկանում է առաջիկայում ԱՄՆ-ում անցկացվելիք ընտրություներից հետո փոփոխություններ տեսնել Թուրքիայի նկատմամբ Ամերիկայի կողմից վարվող քաղաքականության մեջ:

«Ես ցանկանում եմ, որ նա, ով նախագահ ընտրվի, չվերաբերվի նախորդ ղեկավարի պես: F-35-ի խնդիրը շարունակվեց ոչ միայն հարգարժան Դոնալդ Թրամփի ժամանակաշրջանում, այլև նրանից հետո:

Թե՛ հանրապետականները և թե՛ ժողովրդավարները կրկին ու կրկին հիասթափեցնում են մեզ: Արդյո՞ք նոր ժամանակաշրջանում ևս կշարունակվի այս քաղաքականությունը: Տեսնենք»,-հավելել է նա:

Թուրքական պետության ղեկավարը հիշեցրել է նաև, որ ԱՄՆ-ն F-35 կործանիչների համար պարտք է Թուրքիային և Թուրքիան այդ պարտքը վերցնելու համար շարունակելու է գործադրել անհրաժեշտ ջանքերը:

Նշենք, որ Էրդողանն ԱՄՆ էր մեկնել սեպտեմբերի 21-ին՝ մասնակցելու «Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանին:

Աղբյուր` İletisim.gov.tr

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: