Թուրքիայի բնակչությունը տարեցտարի ծերանում է

Հասարակական15:56, 01 Հոկտեմբեր 2024

Թուրքիայի բնակչությունը տարեցտարի ծերանում է

Ամեն տարի հոկտեմբերի 1-ը նշվում է որպես տարեցների միջազգային օր։ Թուրքիայում 2023-ին 65 տարեկանից բարձր անձանց թիվը կազմել է 8 մլն 722.806։ Վերջին 5 տարվա ընթացքում տարեցների թիվը աճել է 21%-ով։

Ըստ վերոնշյալ ցուցանիշների՝ Թուրքիայի բնակչության 10%-ը կազմում են 65 տարեկանից բարձր։ Բնակչության վերաբերյալ արված կանխատեսումների համաձայն՝ 2030-ին Թուրքիայի բնակչության մեջ տարեցների թիվը կկազմի 12%, 2040-ին՝ 16%, 2060-ին՝ 22%, իսկ 2080-ին՝ 25%։

Նշվում է, որ բնակչությունը ծերանում է, իսկ կյանքի տևողությունը երկարում է։ Կանխատեսվում է, որ զարգացող երկրներում կյանքի տևողությունը կավելանա ևս 5 տարով։ Այսուհանդերձ Թուրքիայի բնակչությունը ծերանում է,մյուս կողմից էլ ծնելիության մակարդակն է նվազում։ 2023-ին Թուքրիայում ծնելոիության մակարդակը ցածր է եղել Եվրամիության սահմանած միջին ցուցանիշից։

Հիշեցնենք, որ Թուրքիայի բնակչությունը 2024-ի սկզբի դրությամբ կազմել է 85 մլն 372.000։

Աղբյուր` ntv.com.tr

Այս ենթաբաժնի վերջին նորությունները

12:50, 30 դեկտ

Ծերացող Թուրքիա

Թուրք պրոֆեսոր. «Եթե Թուրքիան շարունակի նման տեմպերով ծերանալ, ապա 2040-ին 65 և բարձր տարիքային խմբի քաղաքացիներն ավելի շատ կլինեն, քան մինչև 5 տարեկանները»: