ԹՊԿ անդամ պետությունների փոխարտգործնախարարներն անդրադարձել են կազմակերպության ապագային

Քաղաքական12:19, 07 Հոկտեմբեր 2024

ԹՊԿ անդամ պետությունների փոխարտգործնախարարներն անդրադարձել են կազմակերպության ապագային

Ադրբեջանի և Ղրղզստանի փոխարտգործնախարարներ Էլնուր Մամեդովը, Այբեք Մոլդոգազիևը և Ուզբեկստանի փոխարտգործնախարարության աշխատակից, դիվանագետ Նուրիդդին Ուբայդուլլաևը զրուցել են թուրքական «Anadolu» պետական լրատվական գործակալության թղթակցի հետ:

Նրանք թղթակցի հետ զրույցում գնահատականներ են տվել «Թյուրքական պետությունների կազմակերպության» (ԹՊԿ-TDT) վերաբերյալ:

Մամադովն ընդգծել է, որ 2009-ի հոկտեմբերի 3-ին Ադրբեջանի, Ղազախստանի, Ղրղզստանի և Թուրքիայի կողմից ստորագրված Նախիջևանի պայմանագիրը շրջադարձային կարևորություն է ունեցել ԹՊԿ-ի համար:

Ընդգծելով կազմակերպության հիմնադրման 15-րդ տարելիցը, նա նշել է, որ «ԹՊԿ»-ում օգտակար համագործակցություն է եղել քաղաքականության, տնտեսության և առևտրի ոլորտներում:

Մամադովի խոսքով, «ԹՊԿ»-ն նաև մոտ հարաբերություններ է կառուցել միջազգային տարբեր կազմակերպությունների հետ:

Ադրբեջանցի փոխնախարարը, անդրադառնալով ԹՊԿ-ի ապագային և տեսլականին, հիշեցրել է հուլիսին օկուպացված Շուշիում «ԹՊԿ» անդամ պետությունների ղեկավարների ոչ պաշտոնական գագաթնաժողովի շրջանակներում ստորագրված «Ղարաբաղի Դեկլարացիան» և այդ համատեքստում նշել, թե հավատում է «ԹՊԿ»-ի ու թյուրքական պետությունների՝ ապագայում էլ ավելի ուժեղ լինելուն:

Մոլդոգազիևը իր հերթին խոսել է անդամ պետությունների հարաբերություններից. «Մեր երկրների միջև մոտ, բարեկամական և եղբայրական հարաբերությունների զարգացման հարցում շատ դրական և լավատես ենք»:

Նա նաև հիշեցրել է, որ նոյեմբերի 6-ին Բիշքեկում անցկացվելու է «ԹՊԿ պետությունների նախագահների խորհրդի գագաթնաժողովը»:

Ղրղզստանի փոխարգորնախարարը հայտնել է, որ կազմակերպության օրակարգում մի շարք հարցեր կան և դրանք լինելու են թե Անկարայում սպասվող նիստի և թե Բիշքեկում անցկացվելիք գագաթնաժողովի օրակարգում:

Նա նշել է, որ ամեն տարի կազմակերպության անդամ բոլոր պետությունները փորձում են անել հնարավոր ամեն բան առևտրի, տնտեսության և լոգիստիկ ոլորտներում ունեցած համագործակցությունն ամրապնդելու ուղղությամբ:

«Այս կազմակերպության ապագան բավական լավատեսական է, այս կազմակերպությունների շրջանակներում պետք է բազմակողմանի հարաբերություններ ամրապնդենք և խորացնենք»,-հավելել է նա:

Ուզբեստկանցի դիվանագետ Ուդայդուլլաևը ևս անդրադարձել է Նախիջևանի պայմանագրի 15-րդ տարելիցին, շնորհավորել այն, ապա խոսել «ԹՊԿ»-ի մասին:

Նա ընդգծել է, որ հիմնման օրվանից ի վեր կազմակերպությունը միտված է եղել թյուրքական ժողովուրդների թե՛ պատմական կապերի, թե՛ ընդհանուր լեզվի, թե՛ մշակույթի և թե՛ սովորությունների ուղղությամբ գործելուն:

«Այն, հիմնվելով փոխադարձ վստահության, շահի և հավասարության ոգու վրա՝ ուղղված է ընդհանուր զարգացմանը»,-հավելել է նա:

Աղբյուր` Aa.com.tr

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան, Ադրբեջանը, Վրաստանը և Բուլղարիան պատմական համաձայնագիր են ստորագրել

Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։