Միջազգային16:26, 08 Հոկտեմբեր 2024
Թուրքիայի ազգային հետախուզական ակադեմիայի նախագահ․ Իսրայելին միակ զսպող ուժը ԱՄՆ-ն է
Թուրքիայի ազգային հետախուզական ակադեմիայի նախագահ Թալհա Քյոշեն ելույթ է ունեցել 2023-ի հոկտեմբերի 7-ին սկսված պաղեստինա-իսրայելական հակամարտության առաջին տարելիցի կապակցությամբ կազմակերպված «Հոկտեմբերի 7-ի իրադարձություններից հետո վերջին իրավիճակն ու հնարավորությունները տարածաշրջանում» պանելային քննարկմանը։
Նա նշել է, որ տարածաշրջանում նոր կարգ ու ուժային հավասարակշռություն չի կարող հաստատվել առանց Թուրքիայի։ «Տարածաշրջանում արդար ու համապարփակ խաղաղության բացակայությունը, իրավիճակի վերաբերյալ տարածաշրջանային երկրների ու միջազգային հանրության լռությունը այս լարվածության հիմնական պատճառներ են հանդիսանում»,-ասել է նա։
Քյոշեն ընդգծել է, թե ինչպես Իսրայելը կարձագանքի Իրանի հրթիռային հարձակումներին և կձևավորի ողջ տարածաշրջանում տարածվող պատերազմի դինամիկան։
«Միակ ուժը, որը կարող է այս պատերազմն ու տարածարջանի ավերածությունները կանխել ԱՄՆ-ն է: Եթե Վաշինգտոնի վարչակազմը չզսպի Իսրայելին, կարող է հայտնվել համապարփակ տարածաշրջանային պատերազմի մեջ։ Այս պատերազմն իր հետ բերելու է բազմաթիվ անորոշություններ»,-նշել է ազգային հետախուզական ակադեմիայի նախագահը։
Ի հավելում խոսքերի` Քյոշեն նշել է, որ շատ կրիտիկական շրջադարձային կետում են գտնվում։ Իսրայելի կողմից Իրանի դեմ շատ ավելի համապարփակ ռազմական միջամտություն, եթե իրականացվի, հավանականություն կա, որ ԱՄՆ-ը ներքաշվի այս պատերազմի մեջ։
«Մի միջավայրում, որտեղ ԱՄՆ-ը ներգրաված է, ՌԴ-ն ու Չինաստանը նման լարվածության պարագայում անմասն չեն մնա։ Հետևաբար, այս հակամարտությունը, որը ներկայումս դիտվում է որպես տարածաշրջանային հակամարտություն, կարող է վերաճել բոլորովին այլ կետի»,- նշել է նա։
Այս ենթաբաժնի վերջին նորությունները
Թուրքիայի ազգային հետախուզական ակադեմիայի նախագահը ելույթ է ունեցել «Հոկտեմբերի 7-ի իրադարձություններից հետո վերջին իրավիճակն ու հնարավորությունները տարածաշրջանում» պանելային քննարկմանը։
Թուրքիայի էներգետիկայի ու բնական պաշարների նախարարը նշել է, որ Թուրքիայի նավթային ընկերությունները Սոմալիում 15 հզ․ քառակուսի կիլոմետր ծովային տարածքում հետախուզման լիցենզիա ունեն։
Նշենք, որ վերոհիշյալ միջանցքը հանդիսանում է Միջին միջանցքի անցումներից մեկը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նշվում է, որ բերման ենթարկված անձը երկար ժամանակ ստացել է հոգեբանական բուժում։
Նման որոշում կայացվել է Գերմանիայի դաշնային անվտանգային խորհրդի գաղտնի նիստի ընթացքում:
Թուրքիայի ազգային հետախուզական ակադեմիայի նախագահը ելույթ է ունեցել «Հոկտեմբերի 7-ի իրադարձություններից հետո վերջին իրավիճակն ու հնարավորությունները տարածաշրջանում» պանելային քննարկմանը։
Հեզալ Բելգենը սպանվել է Սիրիայի Ամուդեի շրջանում, որը եղել է իր պատասխանատվության տակ:
Նախարարության հայտարարության համաձայն՝ տարհանումը կմեկնարկի վաղը: Այն կիրականացվի ծովային ճանապարհով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |