Քաղաքական12:51, 18 Հոկտեմբեր 2024
Ֆիդան․ «Քննարկվելու է ամբողջ Կովկասում տիրող իրավիճակը»
Թուրքիայի արտգործնախարար Հաքան Ֆիդանը հոկտեմբերի 17-ին «Haber Global»-ի ուղիղ եթերում խոսել է Հայաստանին առնչվող հարցերից։
Նա անդրադարձել է հոկտեմբերի 18-ին Ստամբուլում կայանալիք «3+3» ձևաչափի հերթական հանդիպմանը և շեշտել, որ բացի Հայաստանի, Ադրբեջանի, Թուրքիայի, ՌԴ-ի և Իրանի ԱԳ նախարաների հանդիպումից, նրանց ընդունելու է նաև Թուրքիայի նախագահը։
Ֆիդանը շեշտել է, որ քննարկվելու են հարցեր ոչ միայն կապված Հայաստանի և Ադրբեջանի միջև եղած խնդրի, այլև Կովկասում տիրող իրավիճակի հետ։
Թուրք նախարարը ֆորմատը որակել է նաև «տարածաշրջանին տեր կանգնելու» հասկացության ամբողջացում։
«Մենք Կովկասի 3+3 հարթակը մյուս տարածաշրջանային նախաձեռնությունների հետ մեկտեղ այդ շրջանակում ենք գնահատում։ Տարածաշրջանին տեր կանգնելը կարևոր է»,-ասել է նա։
Նա շեշտել է, որ այս տեսակետի մասին բազմիցս բարձրաձայնել է իր Բալակններ, Մերձավոր Արևելք, Կովկաս, Աֆրիկա և Միջին Ասիա կատարած այցերի ժամանակ։
Այս համատեքստում Ֆիդանն ասել է, որ կարևոր է տարածաշրջանի պետություններն ու ազգերը համախմբվեն որևէ խնդիր լուծելու համար, ոչ թե այն թողնեն մեկ այլ՝ հեգեմոն ուժի, որն իր շահերն առաջ տանելուց և առյուծի բաժինը վերցնելուց հետո է միայն զբաղվելու իրենց խնդիրներով։
Հատկանշական է, որ որպես նմանատիպ հեգեմոն ուժի օրինակ Ֆիդանը բերել է ԱՄՆ-ին։
Անդրադառնալով Հայաստան-Ադրբեջան խնդրին՝ Ֆիդանն ընդգծել է, որ այն իրենց ուշադրության կենտրոնում է։
«Գիտեք նաև այն տեղը/դիրքորոշումը, որն ունի մեր նախագահը։ Ադրբեջանի հետ մենք արդեն մեկ ազգ, երկու պետություն ենք դարձել։ Երկու պետությունն էլ արդեն մի շարք կետերում որպես մեկ պետություն են գործում»,-հավելել է նա։
Թուրք նախարարը, այս մասին խոսելիս, ուշադրություն է հրավիրել այն բանի վրա, երկու երկրների կարևոր կառույցների միջև շատ մոտ համագործակցություն կա և նույնիսկ իրենց մոտ եղած սահմանումները, թե ով է բարեկամ և ով թշնամի։
Իր խոսքի վերջում Ֆիդանն ընդգծել է, որ Թուրքիան շարունակելու է իր «խթանող ուժն օգտագործել տարածաշրջանի զարգացման և բարօրության հաստատման համար»։
Այս ենթաբաժնի վերջին նորությունները
Ըստ պրոֆեսորի՝ Ահմեդ ալ-Շարայի կողմից ձևավորված նոր կառավարությունում կան Թուրքիայի քաղաքացիներ, ինչն ավելի է մեծացրել Թուրքիայի ազդեցությունը։
Փաստաթղթերը ստորագրվել են թուրքական «ESTA» և իստալական «Micoperi» ընկերությունների հետ:
Կառավարության նիստից հետո Թուրքիայի նախագահը դժգոհել է Սիրիայում գործող որոշ ուժերի վարքագծից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |