Քաղաքական12:57, 19 Հոկտեմբեր 2024
3+3 հարթակի հանդիպումից հետո հրապարակվել է համատեղ հայտարարություն
Ստամբուլում կայացած 3+3 տարածաշրջանայաին խորհրդատվական հանդիպումից հետո հրապարակվել է համատեղ հայտարարություն։
Ըստ համատեղ հայտարարության՝ ընդգծվել է հարթակի շարունակականության կարևորությունը տարածաշրջանային ու միջազգային խաղաղությունն ու կայունությունը վտանգող ներկա բարդ զարգացումներ ֆոնին, ինչպես նաև որոշում է կայացվել 3+3 ձևաչափով էլ ավելի ամրապնդել համագործակցությունը։
Արտգործնախարարները հաշվի առնելով փոխադարձ շահերի իրացմանն ուղղված համատեղ ջանքերից բխող բարիդրացիական հարաբերություններ ունենալու կարևոր անհրաժեշտությունը՝ մատնանշել են ՄԱԿ-ի կանոնադրության սկզբունքները ու հաստատել վեճերի խաղաղ կարգավորման, ինքնիշխանության, քաղաքական անկախության, տարածքային ամբողջականության, միջազգայնորեն ճանաչված սահմանների անձեռնմխելիության, երկրների ներքին գործերին չմիջամտելու, ուժի սպառնալիքի կամ կիրառման արգելքի և մարդու իրավունքների հարգման կարևորությունը։
Նախարարները քննարկել են տարածաշրջանին հետաքրքրող կարևոր հարցեր ու գնահատել տարածաշրջանի բոլոր երկրների միջև հարաբերությունների կարգավորման և զարգացման դրական դինամիկան։
Մասնավորապես տարածաշրջանում վստահության, բարօրության ու կայունության հաստատման գործում նախարարները մատնանշել են տարածաշրջանի տնտեսական համագործակցության կառուցողական դերը և որ այն փոխակերպում է վիճելի հարցերը տնտեսական և առևտրային զարգացման հնարավորություններով։ Որոշում է կայացվել ուսումնասիրել համագործակցության հնարավորությունները, որոնք տարածաշրջանում նպաստում են բոլոր երկրներին տրանսպորտի, կապի, առևտրի, էներգետիկայի, ներդրումների և կապի ոլորտներում։ Նշվել է նաև, որ 3+3 հարթակի դռները միշտ բաց են Վրաստանի համար։
Նախարարները մտքեր են փոխանակել Մերձավոր Արևելքում թեժացող իրավիճակի վերաբերյալ ու խստորեն դատապարտել ՄԱԿ-ի կանոնադրության և միջազգային մարդասիրական իրավունքի սկզբունքների լուրջ խախտումները, որոնք կարող են վտանգել տարածաշրջանային խաղաղությունն ու անվտանգությունը։
Կոչ է արվել անհապաղ հրադադար հաստատել Մերձավոր Արևելքում՝ վերջ դնելով բոլոր հարձակումներին և ապահովելով մարդասիրական օգնության հասանելիությունը:
Այս ենթաբաժնի վերջին նորությունները
Որոշում է կայացվել ուսումնասիրել համագործակցության հնարավորությունները, որոնք տարածաշրջանում նպաստում են բոլոր երկրներին տրանսպորտի, կապի, առևտրի, էներգետիկայի, ներդրումների և կապի ոլորտներում։
Հանդիպմանը ներկա են գտնվել մի շարք թուրք բարձրաստիճան պաշտոնյաներ։
Գերմանիայի կանցլերը Թուրքիա այցից առաջ Բրյուսելում հանդես է եկել հայտարարություններով։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Երևան-Անկարա հարաբերությունների առնչությամբ հաճախ կարելի է հանդիպել այն խոսքին, որ Թուրքիայի քաղաքականությունը Հայաստանի նկատմամբ որոշվում է Բաքվում, այլ ոչ թե Անկարայում։
Հանդիպմանը ներկա են գտնվել մի շարք թուրք բարձրաստիճան պաշտոնյաներ։
Որոշում է կայացվել ուսումնասիրել համագործակցության հնարավորությունները, որոնք տարածաշրջանում նպաստում են բոլոր երկրներին տրանսպորտի, կապի, առևտրի, էներգետիկայի, ներդրումների և կապի ոլորտներում։
Թուրքիայի հայ կաթոլիկների հոգևոր առաջնորդ Լևոն Զեքիյանը հոկտեմբերի 10-ից ի վեր դադարեցրել է իր գործունեությունը՝ տարիքային սահմանափակման պատճառով։
Ըստ Թուրքիայի ԱԳՆ-ի տարածած հաղորդագրության՝ քննարկվել են հայ-թուրքական հարաբերություններն ու կարգավորման գործընթացը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |