ERMENI HABER AJANSI

Ստամբուլի էքսպո կենտրոնում մեկնարկել է «SAHA» միջազգային պաշտպանության, օդատիեզերական արդյունաբերության տոնավաճառը։

Թուրքիայի արդյունաբերության ու տեխնոլոգիաների նախարար Մեհմեթ Ֆաթիհ Քաջըրը  հանդես է եկել բացման խոսքով, որտեղ նշել է, որ էքսպոն կտևի մինչև հոկտեմբերի 26-ը։ 2002-ից մինչ օրս Թուրքիան տրամադրել է խրախուսական վկայականներ պաշտպանական արդյունաբերության ոլորտում  883 ներդրման համար ու ճանապարհ է հարթել 128 մլրդ լիրա ֆիքսված ներդրումների համար։

Ըստ նախարարի՝ համաշխարհային պաշտպանական արդյունաբերության ծախսերը վերջին 10 տարում աճել են 1.75 տրիլիոն դոլարից  մինչև մոտավորապես 2.5 տրիլիոն դոլար։ Քաջըրը հայտնել է, որ պաշտպանական արտադրանքի արտահանումը անցյալ տարի հասել է 5,5 միլիարդ դոլարի և հավելել, որ 2024-ի 9 ամիսներին նախորդ տարվա նույն ժամանակահատվածի համեմատ արտահանումն աճել է 12%-ով։

Քաջըրը  նշել է, որ «KIZILELMA»-ի և «ANKA-3»-ը, որի փորձարկումները շարունակվում են ու Թուրքիան հաստատուն քայլեր է ձեռնարկում դեպի լիովին անկախ Թուրքիա նոր սերնդի անօդաչու թռչող սարքերով, որոնք իրենց առաքելությունները կկատարեն ներքին զինամթերքով: Նաև հավելել է, որ տարածաշրջանային սպառնալիքների դեմ կանխարգելիչ, հեռահար հիպերձայնային բալիստիկ հրթիռների ստեղծման աշխատանքները շարունակվում են։