Ըստ Թուրքիայի՝ Ֆեթհուլլահական կազմակերպությունն ավելի քան 500 մլրդ դոլարի վնաս է հասցրել պետությանը

Քաղաքական16:32, 23 Հոկտեմբեր 2024

Ըստ Թուրքիայի՝ Ֆեթհուլլահական կազմակերպությունն ավելի քան 500 մլրդ դոլարի վնաս է հասցրել պետությանը

Թուրքական պետական լրատվամիջոցները գրում են, որ Թուրքիայի կողմից ահաբեկչական ճանաչված «Ֆեթհուլլահական կազմակերպության» իրենց հասցրած վնասը գերազանցում է 500 մլրդ դոլարը:

Հոկտեմբերի 20-ին կազմակերպության առաջնորդ Ֆեթհուլլահ Գյուլենի մահից հետո թուրքական օրակարգ է եկել կազմակերպության կողմից Թուրքիայի տնտեսությանը հասցված «վնասները»:

Նշվում է, որ այդքան գումարի մեջ մեծ մաս է կազմում 2013-ի դեկտեմբերի 17-ից 23-ն իրականացված «Կոռուպցիա և կաշառակերություն» գործողության արդյունքում բացահայտված վնասն ու 2016-ի հուլիսի 15-ին տեղի ունեցած հեղաշրջման փորձի վնասը, որի կազմակերպման մեջ էլ թուրքական իշխանությունները մինչ օրս մեղադրում են Գյուլենին:

Ընդգծվում է, որ միայն հեղաշրջման փորձի հասցրած վնասները գնահատվում են ավելի քան 400 մլրդ դոլար:

Հիշեցնենք, որ թուրքական կողմն արդեն երկար տարիներ է ինչ ԱՄՆ-ից պահանջում էր, որ Գյուլենը արտահանձնվի, սակայն Վաշինգտոնն այդպես էլ չբավարարեց նրա պահանջները:

Աղբյուր` Trthaber.com

Այս ենթաբաժնի վերջին նորությունները

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։