Քաղաքական15:41, 23 Հոկտեմբեր 2024
Թուրք ընդդիմադիր կուսակցապետ. «Ես քրդերին պետություն եմ առաջարկում»
Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելն անդրադարձել է օրակարգային հարցերի:
Նա, խոսելով իշխանական դաշինքի մեջ գտնվող «Ազգայնական շարժում» (ԱՇԿ-MHP) կուսակցության առաջնորդ Դևլեթ Բահչելիի «Օջալանը (Աբդուլա Օջալան) թո՛ղ գա խորհրդարան» հայտարարության մասին, դրական է վերաբերվել դրա իրականության վերածվելու սցենարին:
Օզելն առաջարկել է «Քուրդիստանի բանվորական կուսակցության» (ՔԲԿ-PKK) առաջնորդ-հիմնադրին բաց թողնելով, հասնել խաղաղության:
«Թուրքիայի ազգային մեծ ժողովի իրավասության ներքո, համաներմամբ, Բահչելիի սեփական խոսքով, սեփական կամքով թո՛ղ վերացվի սահմանափակումը և Ադբդուլլահ Օջալանը գա ամբիոն: Թո՛ղ կազմակերպությանը (Նկատի է առնվել ՔԲԿ-ն) զենքերը վայր դնելու կոչ անի և մենք կխոսենք միասին այն լեզվով, ըստ որի, խնդիրները լուծված են»,-ասել է նա:
Ապա, շարունակելով միտքը, հանդես է եկել առաջարկով. «Ասում են, թե Բահչելին էլ ավելի է առաջ գնացել, ես էլ եմ առաջ շարժվում: Ես էլ քրդերին պետություն եմ առաջարկում: Ես բոլոր նրանց, ովքեր չեն զգում, որ այս պետությանն են պատկանում, իրենց հավասարության զգացում տվող Թուրքիայի Հանրապետությունն (պետությունը) եմ առաջարկում:
Եկե՛ք բոլոր քրդերին Թուրքիայի Հանրապետության տերը դարձնենք: Ես առաջարկում եմ ժողովրդավարություն և եղբայրություն»:
Հիշեցնենք, որ Օջալանը ցմահ բանտարկված է Թուրքիայում: 1999-ին թուրքական հետախուզության կողմից Քենիայում ձերբակալված, ապա թուրքական դատարանի կողմից ցմահ ազատազրկման դատապարտված Օջալանը պահվում է Մարմարա ծովում գտնվող Իմրալը կղզում կառուցված հատուկ բանտում:
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |