Էրդողան. «Շարունակելու ենք անհանգստություն պատճառել մեր հաջողություններով»

Քաղաքական17:17, 25 Հոկտեմբեր 2024

Էրդողան. «Շարունակելու ենք անհանգստություն պատճառել մեր հաջողություններով»

Թուրքիայի նախագահ Ռեջեփ Թայիփ Էրդողանը, հոկտեմբերի 24-ին ՌԴ-ի Կազան քաղաքում անցկացված «BRİCS»-ի գագաթնաժողովից վերադառնալիս, հանդիպել է լրագրողների հետ։

Անդրադառնալով Անկարայում նախօրեին տեղի ունեցած ահաբեկչական ակտին՝ Էրդողանը ցավակցություն է հայտնել մահացածների ընտանիքներին, ապա նաև դատապարտել տեղի ունեցածը։

Նա նշել է, որ ահաբեկչության դեմ պայքարում օգտագործում են բոլոր հնարավորությունները և պայքարում դրա դեմ մի շարք ուղղություններով։

«Մենք անպայմանորեն հասնելու ենք նրան, որ ահաբեկչության խավարն ու արյունոտ ստվերը ետ քաշվի մեր երկրից, ինչպես նաև մեր նպատակին՝ լուսավոր, խաղաղ և անվտանգ Թուրքիայի կերտմանը»,-հավելել է նա։

Խոսելով Թուրքիայի ռազմարդյունաբերությունից՝ ասել է, որ այն էլ ավելի են շատացնելու և մեծացնելու, իսկ նրանց, ովքեր անհանգստանում են Թուրքիայի գործողություններից, իրենց հաջողություններով էլ ավելի են անհանգստացնելու։

Հիշեցնենք, որ օդատիեզերական թուրքական «TUŞAS» կազմակերպության վրա տեղի ունեցած ահաբեկչական հարձակման հետևանքով մահացել էր 5, իսկ վիրավորվել 22 մարդ։ Թուրքական իշխանությունները դրա կազմակերպման մեջ մեղադրում են իրենց կողմից ահաբեկչական ճանաչված «Քուրդիստանի բանվորական կուսակցությանը» (ՔԲԿ-PKK)։

Աղբյուր` Trthaber.com

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։