Քաղաքական11:24, 28 Հոկտեմբեր 2024
Թուրք լրագրող. «Քրդերը կարող են դաշնային պետություն ունենալ Սիրիայում»
Թուրք լրագրող Հասան Ջեմալն անդրադարձել է Սիրիայում տիրող իրավիճակին և քրդական հարցին:
Նա ընդգծել է, որ Սիրիայում այլընտրանքային լուծում կարող է գտնվել և եթե Թուրքիայում քրդական հարցը խաղաղությամբ լուծվի, պետք է քրդերը մտածեն, թե ինչպես են իրենք իրենց կարողանալու կառավարել:
«Սա ի՞նչ է. ուժեղացված ապակենտրոնացում: Այս ուժեղացումը մինչև ու՞ր է գնում. կարող է հասնել մինչև դաշնության»,-հավելել է նա:
Ջեմալը դաշնային պետություն ասելիս՝ նկատի է ունեցել դաշնություն, որը ներառում է և ամբողջացնում է սիրիաբնակ քրդերին Սիրիայի հյուսիս արևելքում գտնվող «Ռոժավայի ինքնավար շրջանում»:
Նրա խոսքով, դա կարող է լինել պետություն Սիրիայում, այն պարագայում, երբ Սիրիայի նախագահ Բաշար ա-Ասադը հետևի Իրաքյան Քուրդիստանի ձևավորման օրինակին և այդչափ ուժեղ գտնվի:
Թուրք լրագրողն ամփոփել է վերջին օրերին թե՛ թուրքական մերձիշխանավոր անձանց, և թե՛ ընդդիմադիրների կողմից քրդերի նկատմամբ որոշակի մեղմ և արտոնյալ քաղաքականություն վարելու բնույթ ունեցող հայտարությունները:
Խոսքը «Ազգայնական շարժում կուսակցության» (ԱՇԿ-MHP) առաջնորդ Դևլեթ Բահչելիի՝ «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանի ներման և գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելի՝ քրդերին լայն իրավասություններ տալու և «Թուրքիայի պետության տերը դարձնելու» մեսիջների մասին է:
Նշենք նաև, որ Հասան Ջեմալը Հայոց ցեղասպանության գլխավոր կազմակերպիչներից մեկի` Ջեմալ փաշայի թոռն է:
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |