Քաղաքական12:46, 31 Հոկտեմբեր 2024
Իրաքյան Քուրդիստանի ղեկավար․ «PKK-ն մեծ խնդիր է նաև մեզ համար»
Իրաքյան Քուրիդիստանի ղեկավար Նեչիրվան Բարզանին անդրադարձել է տարածրջանում տիրող իրավիճակին, ինչպես նաև Թուրքիայի հետ հարաբերություններին։
Ըստ քուրդ պաշտոնյայի՝ տարածաշրջանում իրադրությունը շարունակում է մնալ լարված՝ չնայած, որ «Իսլամական պետություն» (ԻՊ) ահաբեկչական կազմակերպության դիրքերը զգալիորեն թուլացել են։
Ըստ Բարզանիի՝ այս պահին կարևոր է տարածաշրջանում կայունություն հաստատելը, և այդ հարցում էական դեր ունի Թուրքիայի գործոնը, որի հետ գնալով աճում է առևտրաշրջանառությունը։
«Մենք շատ լավ հարաբերություններ ունենք Թուրքիայի հետ։ Շնորհակալ ենք Թուրքիայից նավթի արտահանման համար։ Թուրքիան դրանից ոչինչ չի շահել։ Նրանք դա արեցին Իրաքին և Իրաքյան Քուրդստանին աջակցելու համար»,- նշել է նա։
Անդրադառնալով Թուրքիայի կողմից ահաբեկչական համարվող «Քուրդիստանի բանվորական կուսակցությանը» (ՔԲԿ-PKK), որի գլխավոր ռազմաբազան, ըստ թուրքական կողմի, գտնվում է Իրաքի հյուսիսում, Բարզանին նշել է․
«PKK-ն մեծ խնդիր է նաև մեզ համար։ PKK-ն հարգանք չի ցուցաբերում Քուրդիստանի կառույցների և կազմակերպությունների նկատմամբ։ Եթե PKK-ն լուծում է ուզում, ապա պետք է հրաժարվի այդ գործողություններից։ Անկարայում ահաբեկչությունն իրականացվել է ընթացիկ գործընթացը սաբոտաժի ենթարկելու նպատակով»։
Հիշեցնենք, որ Թուրքիայի օդատիեազերական արդյունաբերության ընկերության (TUSAŞ) վրա հոկետմբերի 23-ի զինված հարձակում էր տեղի ունեցել, որը թուրքական իշխանությունները որակել էին ահաբեկչական: Զոհերի թիվը հասել էր 5-ի, վիրավորներինը՝ 22։ TUSAŞ-ի վրա կատարված զինված հարձակման պատասխանատվությունը ստանձնել է Թուրքիայի կողմից ահաբեկչական կառույց համարվող «Քուրդիստանի բանվորական կուսակցության» PKK ռազմական թևը՝ «Ժողովրդական պաշտպանական ուժերը» (HPG-ԺՊՈՒ)։
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Հանսիպմանը երկկողմ հարաբերությունների հետ մեկտեղ քննարկվել են նաև տարածաշրջանայի և միջազգային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |