Ֆիդանը կհանդիպի աֆրիկյան 14 պետության արտգործնախարարների հետ

Քաղաքական17:40, 01 Նոյեմբեր 2024

Ֆիդանը կհանդիպի աֆրիկյան 14 պետության արտգործնախարարների հետ

Թուրքիայի արտգործնախարար Հաքան Ֆիդանը նոյեմբերի 2-ից 3-ն Ջիբութիում մասնակցելու է «Թուրքիա-Աֆրիկա համագործակցության 3-րդ համաժողովին»։

Դիվանագիտական աղբյուրների համաձայն՝ Ֆիդանը հանդիպելու է աֆրիկյան 14 երկրի արտգործնախարարների հետ։ Նշվում է նաև, որ սա Թուրքիայից Ջիբութի առաջին այցն է ԱԳ նախարարի մակարդակով։

Համաժողովի ընթացքում քննարկվելու են 2022-2026թթ. «Համատեղ գործողությունների ծրագրում» տեղ գտած նախագծերի իրականացման համար աֆրիկացի գործընկերների հետ կատարվելիք քայլերը։

Բացի այդ, Ֆիդանն ընդգծելու է Թուրքիայի աջակցությունը «Աֆրիկյան միությանը» G20-ի լիիրավ անդամ դառնալու մասով։

Հիշեցնենք, որ համատեղ գործողությունների պլանն ընդունվել է 2021-ին անցկացված «Թուրքիա-Աֆրիկա գործընեկրության գագաթնաժողովում»։

Այն ենթադրում է մի շարք ծրագրերի իրականացում, որոնք վերաբերում են խաղաղությանը, անվտանգությանը, կառավարմանը, առևտրին, ներդրումներին, արդյունաբերությանը, կրթությանը, գիտությանը, տեխնոլոգիաներին և ինովացիաներին, երիտասարների և կանանց զարգացմանը, ենթակառուցվածների զարգացմանն ու գյուղատնտեսությանը, ինչպես նաև առողջապահության զարգացմանը։

Աղբյուր` Trthaber.com

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: