Թուրքիան ՄԱԿ-ում Իսրայելի դեմ նախաձեռնություն է մեկնարկել

Քաղաքական10:36, 04 Նոյեմբեր 2024

Թուրքիան ՄԱԿ-ում Իսրայելի դեմ նախաձեռնություն է մեկնարկել

Դիվանագիտական աղբյուրներից ստացված տեղեկությունների համաձայն՝ Թուրքիան ՄԱԿ-ի շրջանակներում մեկնարկել է «Համատեղ նամակ» նախաձեռնություն, որը միտված է բարձրացնել Իսրայելին զենք-զինամթերքի վաճառքը դադարեցնելու վերաբերյալ միջազգային իրազեկվածությունը։

Նշվում է, որ նախաձեռնությունը Թուրքիայի արտգործնախարար Հաքան Ֆիդանի կողմից է առաջարկվել, իսկ դրա գերնպատակն է կանխել Պաղեստինի Գազայի հատվածում և ընդհանուր Պաղեստինում Իսրայելի գործողությունները։

Նամակում ընդգծվում է նախաձեռնությանը մասնակից պետությունների անհանգստությունը կապված Մերձավոր արևելքում աճող լարվածության և Իսրայելի կողմից իրականացվող գործողությունների արդյունքում այնտեղ մարդու իրավունքների խախտումների վերաբերյալ։

Հավելենք, որ նախաձեռնությանը միացել է 52 երկիր (Մասնակից պետությունների թվում եղել են նաև «Արաբական լիգայի» և «Իսլամական մության» անդամ երկրներ)։

Վերոնշյալ նամակն ուղարկվել է ՄԱԿ գլխավոր քարտուղար Անտոնիո Գուտերեշին, ՄԱԿ անվտանգության խորհրդի նոյեմբերի ժամանակավոր նախագահ Անգլիային և ՄԱԿ գլխավոր խորհրդի նախագահ Ֆիլեմոն Յանգին։

Աղբյուր` Aa.com.tr

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: