Իսրայելը մեղադրել է Թուրքիային ՄԱԿ-ին ուղարկված նամակի համար

Քաղաքական16:28, 05 Նոյեմբեր 2024

Իսրայելը մեղադրել է Թուրքիային ՄԱԿ-ին ուղարկված նամակի համար

ՄԱԿ-ում Իսրայելի մշտական ներկայացուցիչը խիստ է արձագանքել Թուրքիայի կողմից ՄԱԿ-ին ներկայացված և 52 երկրների կողմից ստորագրված նամակին, որով կոչ է արվում Իսրայելի դեմ զենքի արգելանք սահմանել։

ՄԱԿ-ում Իսրայելի դեսպան Դենի Դանոնը մեղադրել է Թուրքիային այն բանի համար, որ վերջինս 52 երկրների աջակցությամբ հանդես է գալիս Իսրայելի դեմ զենքի արգելանքի օգտին՝ բնութագրելով այդ քայլը որպես չարամտություն։

Նոյեմբերի 1-ին Թուրքիայի նախաձեռնությամբ ՄԱԿ-ին ներկայացված նամակում ներառվել են ստորագրող երկրները, ինչպիսիք են Ռուսաստանը, Իրանը, Սաուդյան Արաբիան, Բրազիլիան, Ալժիրը, Չինաստանը, ինչպես նաև Արաբական լիգան և Իսլամական համագործակցության կազմակերպությունը:

Դանոնը նամակը որակել է որպես Իսրայել դեմ համախմբված և չարիքի առանցքի կողմից իրականացված զավեշտալի արարք՝ նշելով, որ Իսրայելը կշարունակի պաշտպանել իր շահերը ցանկացած քաղաքական և ռազմական հարձակումներից:

Նամակը, որը ստորագրել են 52 երկիր և 2 միջազգային կազմակերպություն, կոչ է անում «դադարեցնել զենքի և զինամթերքի վաճառքը Իսրայելին՝ կանխելու միջազգային իրավունքի, այդ թվում՝ մարդասիրական իրավունքի և մարդու իրավունքների օրենսդրության խախտումները օկուպացված պաղեստինյան տարածքներում, առաջին հերթին Գազայում»։

Աղբյուր` www.egepostasi.com

Այս ենթաբաժնի վերջին նորությունները

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։