Էրդողանը շնորհավորել է Թրամփին․ «Հուսով եմ, որ Թուրքիա-ԱՄՆ հարաբերությունները կուժեղանան»

Քաղաքական16:35, 06 Նոյեմբեր 2024

Էրդողանը շնորհավորել է Թրամփին․ «Հուսով եմ, որ Թուրքիա-ԱՄՆ հարաբերությունները կուժեղանան»

Չնայած դեռևս պաշտոնապես չի հայտարարվել ԱՄՆ նախագահական ընտրություններում հանրապետականների թեկնածու Դոնալդ Թրամփի հաղթանակի մասին, նա շարունակում է շնորհավորանքներ ստանալ համաշխարհային առաջնորդներից։

Թուրքիայի նախագահ Ռեջեփ Թայիփ Էրդողանը «X»-ի իր էջում շնորհավորել է Թրամփին նախագահական ընտրություններում հաղթանակի համար։

«Շնորհավորում եմ իմ ընկեր Դոնալդ Թրամփին, ով մեծ պայքարի արդյունքում հաղթելով նախագահական ընտրություններում՝ վերընտրվել է ԱՄՆ նախագահի պաշտոնում:

Ամերիկայի ժողովրդի ընտրությամբ մեկնարկած այս նոր ժամանակաշրջանում, հուսով եմ, որ Թուրքիա-ԱՄՆ հարաբերությունները կուժեղանան, իսկ տարածաշրջանային և գլոբալ ճգնաժամերը, մասնավորապես՝ Պաղեստինի հարցը և Ռուսաստան-Ուկրաինա պատերազմը, կավարտվեն»,-գրել է նա։

Էրդողանը նաև հույս է հայտնել, որ ավելի արդար աշխարհի համար ավելի մեծ ջանքեր կգործադրվեն:

«Մաղթում եմ, որ ընտրությունները հաջողություններ բերեն մեր բարեկամ և դաշնակից ԱՄՆ ժողովրդին և ողջ մարդկությանը»,-հավելել է նա:

Աղբյուր` Ermenihaber.am

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: