Քաղաքական14:09, 07 Նոյեմբեր 2024
Թուրքիայի ընդդիմությունը շարունակում է քննադատել երկրում հոգաբարձուների նշանակումները
Թուրքիայի ընդդիմադիր «Երջանկություն կուսակցության» (SP) ղեկավարի ժամանակավոր պաշտոնակատար և Կայսերիի պատգամավոր Մահմուդ Արըքանն անդրադարձել է վերջերս երկրի մի շարք քաղաքներում հոգաբարձուների (դրածո) նշանակման գործընթացին։
Նա ընդգծել է, որ այդ գործընթացն իրենց վրա լավ չի անդրադառնալու, ինչպես նաև, որ այն միջազգային ասպարեզում լուրջ վնաս է հասցնելու Թուրքիայի իմիջին։
«Հոգաբարձուի խնդիրը, ցավոք, վերածվել է տարիներ ի վեր շարունակվող պրակտիկայի։ Այն միջոցը, որն արտակարգ իրավիճակներում նույնիսկ պետք է որպես վերջին ընտրություն կիրառվի, իշխանության ձեռքով վերածվել է ավանդական մի փայտիկի»,-հավելել է նա։
Բացի նման հայտարարություններից, Արըքանը մեղադրանքներ է հնչեցրել իշխանության՝ մասնավորապես «Արդարություն և զարգացում կուսակցության» (ԱԶԿ-AKP) հասցեին՝ պնդելով, որ նրանք չնայած Պաղեստինի Գազայի հատվածում տիրող իրավիճակին, չեն հրաժարվում Իսրայելի հետ առևտրից։
Նման հայտարարություններով ընդդիմադիր կուսակցապետի ԺՊ-ն հանդես է եկել Թուրքիայի ազգային մեծ ժողովի «Երջանկություն կուսակցության» ֆրակցիայի հետ ունեցած հանդիպման ընթացքում։
Հիշեցնենք, որ Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) անդամ Էսենյուրթի քաղաքապետ Ահմեդ Օզերը ձերբակալվել էր հոկտեմբերի 30-ին։ Նա մեղադրվում է Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) անդամ լինելու մեջ։ Նրա փոխարեն երկրի ՆԳՆ նշանակել է հոգաբարձու։
Ընդդիմադիր քաղաքական գործիչին ձերբակալելուց հետո Թուրքիայում մի շարք ընդդիմադիր քաղաքապետեր ևս ձերբակալվեցին։ Այս ամենը ընդդիմության կողմից անընդունելի և ապօրինի որակվեց ու գործողությունները համարվեցին ուղղորդված իշխանությունների կողմից։
Նրանց փոխարեն ևս Թուրքիայի ՆԳՆ-ի կողմից նշանակվեցին հոգաբարձուներ, ինչն էլ արևելյան հատվածներում բողոքի և ցույցերի առիթ դարձավ։
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Հանսիպմանը երկկողմ հարաբերությունների հետ մեկտեղ քննարկվել են նաև տարածաշրջանայի և միջազգային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |