Քաղաքական13:27, 07 Նոյեմբեր 2024
Ֆիդան․ «Թուրք-հունական հարաբերություններում դրական դինամիկա կա»
Թուրքիայի արտգործնախարար Հաքան Ֆիդանը նոյեմբերի 8-ին կհանդիպի Հունաստանի արտգործնախարար Յորգոս Գերապետրիտիսի հետ։ Նախքան հանդիպումը Ֆիդանը հարցազրույց է տվել հունական «Ta Nea» թերթին։ Ֆիդանը մատնանշել է, որ շուրջ 2 տարի է, ինչ թուրք-հունական հարաբերություններում դրական դինամիկա կա։ Երկու երկրները զարգացնում են առևտրային հարաբերությունները։
«Մենք էլ ավելի ենք ամրապնդում մեր ժողովուրդների միջև գոյություն ունեցող բարեկամությունը։ Մեր նպատակն է ձևավորել այս աշխարհագրության ապագան, որը մենք կիսում ենք՝ փոխադարձ բարի կամքի վրա հիմնված ընդհանուր տեսլականով»,-հայտնել է Ֆիդանը։
Ընդգծելով, որ երկկողմ հարաբերություններում լավատես լինելու բազմաթիվ պատճառներ կան, Ֆիդանը նշել է, որ ինքը այլ ճանապարհ չի տեսնում, քան երկխոսությունն ու համագործակցությունը՝ հանուն ապագա սերունդների ու անվտանգության ու բարգավաճման։
«Եթե բովանդակալից երկխոսության արդյունքում չկարողանանք հասնել համապարփակ լուծումների, ապա ամբողջական մոտեցմամբ կգնանք դեպի միջազգային իրավասություն։ Բայց որպեսզի դա տեղի ունենա, անհրաժեշտ է վերացնել վերապահումներն ու խոչընդոտները և առաջին հերթին ձերբազատվել մոլորություններից»,- հայտնել է Թուրքիայի արտգործնախարարը։
Ֆիդանը նաև հավելել է, որ դրա իրականացման համար անհրաժեշտ է վերացնել վերապահումներն ու խոչընդոտները և առաջին հերթին ձերբազատվել մոլորություններից։
Նրա խոսքով՝ ինքնիշխան իրավահավասարությունը, փոխադարձ հարգանքը և կառուցողական երկխոսությունը շատ կարևոր են Թուրքիայի համար, ինչպես յուրաքանչյուր երկրի համար, և պնդել, թե միջերկրածովյան աշխարհագրությունը եղել է այն տարածաշրջանը, որն ականատես է եղել պատմության ընթացքում ամենաշատ մարդկային փոխգործակցությանը։
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Հանսիպմանը երկկողմ հարաբերությունների հետ մեկտեղ քննարկվել են նաև տարածաշրջանայի և միջազգային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |