Քաղաքական13:29, 08 Նոյեմբեր 2024
Թուրքիայի խորհրդարանի նախագահը հանդիպել է հարավկորեացի գործընկերոջ հետ
«Թուրքիայի ազգային մեծ ժողովի» (ԹԱՄԺ) նախագահ Նուման Քուրթուլմուշը Բրազիլիայի նույնանուն մայրաքաղաքում կայացած «G20-ի խորհրդարանի նախագահների 10-րդ գագաթնաժողովի» (P20) շրջանակներում հանդիպել է Հարավային Կորեայի ազգային խորհրդարանի նախագահ Վու Վոն-Շիկի հետ։
Քուրթուլմուշը, շնորհավորելով Շիկին պաշտոնի ստանձնման առթիվ, երկու պետությունները որակել է միմյանց շատ մոտ ազգեր ունեցող երկրներ։
«Ժողովուրդների միջև եղբայրությունը դրական ներդրում է ունեցել Թուրքիայի և Հարավային Կորեայի միջև առկա երկկողմ հարաբերությունների վրա»,-հավելել է նա։
Քուրթուլմուշը, հիշեցնելով, որ երկրների միջև հարաբերությունները 2012-ից ի վեր գտնվում է ռազմավարական գործընկերության մակարդակում, ընդգծել է, որ փոխադարձ այցելությունները կարող են էլ ավելի ամրապնդել դրանք և այս համատեքստում զրուցակցին հրավիրել է Թուրքիա։
Թուրքական խորհրդարանի ղեկավարը խոսել է նաև երկրների միջև առկա առևտրաշրջանառության ծավալների մասին և նշել, որ նպատակ ունեն այն հասցնել 15 մլրդ դոլարի։
«Ռազմարդյունաբերության, էներգետիկայի և տուրիզմի ոլորտին զուգահեռ յուրաքանչյուր ոլորտում համատեղ աշխատանքը ևս կլինի ի շահ երկու երկրների»,-հավելել է նա։
Հանդիպմանը ներկա են գտնվել նաև Թուրքիայի իշխող «Արդարություն և զարգացում կուսակցության» (ԱԶԿ-AKP) Էրզրումի պատգամավոր Սելամի Ալթընոքը, «ԹԱՄԺ»-ի վարչական ղեկավար և «Ազգայնական շարժում կուսակցության» (ԱՇԿ-AKP) Գազիանթեփի պատգամավոր Սերմեթ Աթայը, գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) Տրապիզոնի պատգամավոր և «ԹԱՄԺ»-ի նախագահական խորհրդի անդամ Սիբել Սուիչմեզն ու Բրազիլիայում Թուրքիայի դեսպան Հալիլ Իբրահիմ Աքչան։
Այս ենթաբաժնի վերջին նորությունները
Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի արտաքին գործերի նախարար Գեդեոն Սաարը հայտարարել է, որ մտահոգված են տարածաշրջանում, հատկապես Սիրիայում և Լիբանանում, Թուրքիայի խաղացած դերից:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Հանսիպմանը երկկողմ հարաբերությունների հետ մեկտեղ քննարկվել են նաև տարածաշրջանայի և միջազգային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |