Տարածաշրջան16:02, 14 Նոյեմբեր 2024
Թուրքիայի նախագահը սպառնում է քրդերին նոր ռազմական գործողություններով
Թուրքիայի նախագահ Ռեջեփ Թայիփ Էրդողանը չի բացառել Սիրիայի հյուսիսում քրդական զինված ուժերի դեմ նոր ռազմական գործողությունները: Ըստ Էրդողանի՝ նման բան տեղի կունենա, եթե Թուրքիայի ազգային անվտանգությանը վտանգ սպառնա:
«Սահմանային ռազմական գործողությունները միշտ էլ օրակարգում են՝ մեր երկրի անվտանգությունն ապահովելու և մեր քաղաքացիների խաղաղությունը պահպանելու համար: Եթե մենք վտանգ զգանք, ապա պատրաստ ենք ցանկացած պահի սկսելու ռազմական գործողություններ: Ոչ ոք չպետք է կասկածի տակ դնի մեր հարգանքը Սիրիայի տարածքային ամբողջականության նկատմամբ, Սիրիայի հյուսիսում լիակատար անկայունություն է»,- նշել է Էրդողանը:
Ըստ նրա՝ Սիրիայում տիրող անկայունությունը և այնտեղ գործող «ահաբեկչական կազմակերպությունները» սպառնում են Թուրքիայի անվտանգությանը:
«Մեր բոլոր գործողությունները, որոնք ուղղված են «Իսլամական պետություն» (ԻՊ) ահաբեկչական կազմակերպության և «Քուրդիստանի բանվորական կուսակցության» (ՔԲԿ- PKK) դեմ, միտված են մեր սեփական անվտանգությունն ապահովելուն: Մեր հետագա քայլերը նույնպես նպատակ ունեն լուծել այս խնդիրը: Դեռ կան տարածքներ, որոնք վերահսկվում են ահաբեկիչների կողմից, ինչը վտանգ է ներկայացնում մեր անվտանգությանը», – նշել է Թուրքիայի նախագահը:իրիայում ռազմական գործողություններ սկսելու վերաբերյալ հայտարարություն է տարածել նաև Թուրքիայի պաշտպանության նախարարությունը: Ըստ այդ հայտարարության՝ «Թուրքիան նախկինում արել է այն, ինչ անրաժեշտ է եղել և այդպես էլ կշարունակի»։
Հիշեցնենք, որ Էրդողանը նախկինում բազմիցս հայտարարել է, որ ծրագրում է ավարտին հասցնել 30-կիլոմետրանոց անվտանգության գոտու ստեղծումը Սիրիայի հյուսիսում: Թուրքիան վերջին տարիներին Սիրիայի հյուսիսում մի շարք ռազմական գործողություններ է իրականացրել, որոնց հետևանքով Սիրիայի հյուսիսի զգալի մասը փաստացի գտնվում է Թուրքիայի զինված ուժերի և վերջիններիս աջակցությունը վայելող ընդդիմադիր խմբավորումների վերահսկողության տակ:
Այս ենթաբաժնի վերջին նորությունները
Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։
Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:
Աբբաս Արաղչին հեռախոսազրույց է ունեցել Հաքան Ֆիդանի հետ։ Կողմերն անդրադարձել են Թուրքիայի ներքաղաքական իրավիճակին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |