Քաղաքական14:23, 26 Նոյեմբեր 2024
Թուրք լրագրող․ «Բահչելին կարող է դառնալ 22 տարվա իշխանության ավարտի պատճառը»
Թուրք լրագրող Ֆեհմի Քորուն իր հոդվածում անդրադարձել է իշխանական «Ազգային շարժում կուսակցության» (ԱՇԿ-MHP) առաջնորդ Դևլեթ Բահչելիի՝ Աբդուլլահ Օջալանի վերաբերյալ հայտարարությանը։
Նա ուշադրություն է հրավիրել այն բանի վրա, որ Թուրքիայի նախագահ Ռեջեփ Թայիփ Էրդողանն անարձագանք է թողել նրա հայտարարությունները, ինչն էլ Բահչելիին ստիպել է նահանջել։
Քորուն ընդգծել է, որ սա առաջին դեպքն է, երբ Բահչելիի պահանջը չի կատարվում։
«Մինչ օրս Բահչելիի յուրաքանչյուր ցանկություն կատարվել է, սակայն այս իրավիճակը կարող է վաղաժամ ընտրությունների հանգեցնել»,- հավելել է նա։
Նա նաև նշել է, որ Բահչելիի նման քայլերը նախկինում՝ 2002 և 2018 թվականներին, բերել են ընտրություններ և փոխել երկրի քաղաքական պատկերը։ Քորուն ենթադրում է, որ հնարավոր է, «ԱՇԿ»-ն կրկին նման որոշում կայացնի, ինչը կարող է ազդել իշխանափոխության վրա։
Քորուի խոսքով՝ իշխանության փոքր գործընկեր «ԱՇԿ»-ն դեռ կարող է որոշիչ դեր ունենալ, իսկ Բահչելիի վերջին հայտարարությունները ցույց են տալիս, որ վաղաժամ ընտրությունների մասին որոշումը հնարավոր է հենց նրանցից գա։
Հոդվածագիրը նշել է նաև, որ Բահչելին կարող է արդեն 22 տարի երկիրը կառավարող քաղաքական ուժի հեռացման պատճառ դառնալ։
Հիշեցնենք, որ վերջերս «ԱՇԿ»-ի խորհրդարանական ֆրակցիայի հետ հանդիպանը Բահչելին խոսել էր Թուրքիայի կողմից ահաբեկչական ճանաչված և այժմ Իմրալը կղզում ցմահ բանտարկված «Քուրդիստանի բանվորական կուսակցության» հիմնադիր-առաջնորդ Աբդուլահ Օջալանին ներում շնորհելու ու նրան ամբիոնից խոսք տալու մասին՝ այդ ամենը բացատրելով «ՔԲԿ»-ի հետ կապված հարցերի լուծման հնարավորությամբ։
Վերոհիշյալ հայտարարությունից օրեր անց էլ ընդգծել էր, որ պատասխանատու է իր խոսքերի համար, ապա ուշագրավ հայտարարություն արել․ «Հարցը նրանում չէ, որ եթե ես այդ քայլն անեմ ԱՇԿ-ն կամ ձայն կստանա, կամ կկորցնի, այլ եթե ես այդ քայլը անեմ, հող չեմ տա, իսկ պետության ու հայրենիքի ամբողջականությունը կշարունակվի։
Եթե պետք է տանջվեմ, կտանջվեմ, բայց եթե այս քայլը չանեմ, Թուրքիան հող կկորցնի, իսկ այդ ժամանակ ի՞նչ անեմ իշխանությունը»։
Այս ենթաբաժնի վերջին նորությունները
Իրանի Իսլամական Հանրապետության արտգործնախարարի առաջին տեղակալ Մաջիդ Թախտե Ռավանչին բացառիկ հարցազրույց է տվել Region Monitor-ին։
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Նիստում կարևորվել է PKK-ի զինաթափման մասին Օջալանի կոչի կատարումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Ամերիկյան կայքը հրապարակել է 2025-ին Մերձավոր Արևելքի երկրների ռազմական ներուժի մասին զեկույց:
Նիստում կարևորվել է PKK-ի զինաթափման մասին Օջալանի կոչի կատարումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |