ԱՄՆ-ից հակադարձել են Թուրքիայի պաշտպանության նախարարին

Ռազմական17:33, 28 Նոյեմբեր 2024

ԱՄՆ-ից հակադարձել են Թուրքիայի պաշտպանության նախարարին

Թուրքիայի պաշտպանության նախարար Յաշար Գյուլերը հայտարարել է, որ թուրքական կողմը կրկին հարցում է ուղարկել ԱՄՆ՝ իրեն չհատկացված F-35 նոր սերնդի կործանիչները ստանալու համար, քանի որ Վաշինգտոնի կարծիքն այս հարցում փոխվել է։

«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք (թուրքական 5-րդ սերնդի կործանիչ) «Kaan» ենք ստեղծում, նրանց վերաբերմունքը փոխվել է։ Նրանք ասում են, որ կարող են փոխանցել ինքնաթիռները։ Եվ նրանց նորից առաջարկ է ուղարկվել F-35-ի գնման համար»,- նշել էր նախարարը:

Ի պատասխան թուրքական կողմի այդ պնդման՝ Վաշինգտոնից հայտարարություն է արվել հետևյալի մասին։

«Թուրքիային F-35 կործանիչներ մատակարարելու համար անհրաժեշտ համարվող պայմանները բոլորին հայտնի են, և մեր քաղաքականությունն այդ առումով չի փոխվել. ՆԱՏՕ-ի հետ Թուրքիայի փոխգործակցության պահպանումը մնում է ԱՄՆ-ի կարևոր առաջնահերթությունը»,- ասված է ԱՄՆ Պետդեպի հայտարարության մեջ:

Աղբյուր` Haber7.com.tr

Այս ենթաբաժնի վերջին նորությունները

14:33, 01 ապր

ԱՄՆ Կոնգրեսի Ներկայացուցիչ. «F-35 կործանիչները չեն գնա Թուրքիա»

Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։

11:16, 01 ապր

Օջալանի զենքերը վայ դնելու կոչին 2 խումբ կարող է ընդդիմանալ

«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։

14:40, 27 մարտ

Թուրքիայի ՊՆ. Եթե CATSAA-ի պատժամիջոցները չեղարկվեն, ԱՄՆ-ի հետ համագործակցության թափը կավելանա

Թուրքիայի պաշտպանության նախարարության մամուլի և հասարակայնության հետ կապերի գծով խորհրդական և նախարարության մամուլի խոսնակը հանդես է եկել ամենշաբաթյա մամուլի ասուլիսով։