Ֆիդան․«Սիրիան նման է մատրոշկայի, որտեղ խաղ է կազմակերպվում խաղի մեջ»

Քաղաքական17:32, 11 Դեկտեմբեր 2024

Ֆիդան․«Սիրիան նման է մատրոշկայի, որտեղ խաղ է կազմակերպվում խաղի մեջ»

Թուրքիայի արտաքին գործերի նախարար Հաքան Ֆիդանը երկրի խորհրդարանի բյուջեի քննարկումների ժամանակ անդրադարձել է Սիրիայում տեղի ունեցած վերջին իրադարձություններին։

Արտգործնախարարը մասնավորապես նշել է, որ Սիրիայի ժողովուրդը և Սիրիան դեկտեմբերի 8-ից թևակոխել են նոր ժամանակաշրջան և սիրիական ճգնաժամի առաջին իսկ օրից Թուրքիան 13 տարի շարունակ համակ ուշադրությամբ հետևել է այդ ճգնաժամին։ Ըստ Ֆիդանի՝ Սիրիան նման է մատրոշկայի, որտեղ խաղ է կազմակերպվում խաղի մեջ և Սիրիան այն տարածաշրջանն է, որտեղ բոլորը տարբեր ռազմավարական հաշվարկներ են անում։

«Այնպիսի աշխարհագրության մեջ, որտեղ բոլորը տարբեր խաղեր են խաղում, որտեղ բոլորը տարբեր ռազմավարական հաշվարկներ են անում, լի է անորոշություններով, որտեղ պարզ չէ, թե ով, որտեղ և երբ է շահելու այդ ռազմավարական շահը։ Թուրքիան այդ ռազմավարությունը 13 տարի իրականացրել է համբերատարությամբ, մեծ վճռականությամբ և իմաստությամբ»,-ասել է Ֆիդանը։

Անդրադառնալով Իսրայելի հարձակումներին Սիրիայի վրա՝ Ֆիդանը նշել է, որ Իսրայելն իր «զավթիչ մտածելակերպով» թիրախավորում է Սիրիայի ինքնիշխանությունն ու տարածքային ամբողջականությունը։

Աղբյուր` trthaber.com

Այս ենթաբաժնի վերջին նորությունները

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: