Քաղաքական11:14, 13 Դեկտեմբեր 2024
Էրդողան-Բլինքեն հանդիպումը կայացել է
ԱՄՆ պետքարտուղար Էնթոնի Բլինքենը երկօրյա այցով մեկնել է Թուրքիա։ Նրան Անկարայի Էսենբողա օդանավակայանում դիմավորել են Թուրքիայի ԱԳՆ արարողակարգի պետ, դեսպան Ահմեդ Ջեմիլ Միրօղլուն և Անկարայում ԱՄՆ դեսպանատան գործերի ժամանակավոր հավատարմատար Միշել Գոլդմանը։
Այնուհետև կայացել է Բլինեքեն Ռեջեփ Թայիփ Էրդողան հանդիպումը, որի ընթացքում քննարկվել են Սիրիայում և տարածաշրջանում վերջին իրավիճակը։ Էրդողանը նշել է, որ բոլոր ոլորտներում Թուրքիա-ԱՄՆ հարաբերությունների զարգացման համար Անկարայի ջանքերը նոր շրջանում ևս շարունակվելու են։
Էրդողանը մասնավորապես նշել է, որ Թուրքիան ի սկզբանե կողմ է եղել Սիրիայի տարածքային ամբողջականությանը, միասնությանն ու ունիտար կարգի պահպանությանը և հավելել, որ Սիրիայի ինստիտուտների վերագործման ու վերակառուցման համար միջազգային հանրությունը միասին պետք է աշխատի։
Էրդողանը նշել է, որ Սիրիայում գործող և Թուրքիայի համար սպառնալիքի աղբյուր հանդիսացող «Քուրդիստանի բանվորական կուսակցության» (PKK), «Սիրիայի քրդական ինքնապաշտպանական ուժերի» և (YPG) «Սիրիայի Ժողովրդավարական միության» (PYD) և «Իսլամական պետություն» ահաբեկչական կազմակերպության՝ «DEAŞ»-ի գլխավորությամբ՝ բոլոր ահաբեկչական կազմավորումների դեմ Թուրքիան նախ և առաջ իր ազգային անվտանգության համար կանխարգելիչ միջոցառումներ է ձեռնարկելու և որպես «DEAŞ»-ի դեմ պայքարած միակ ՆԱՏՕ-ական երկիր՝ «PKK»-ի և դրա ճյուղավորումների կողմից տեղում իրավիճակը հնարավորության վերածելու ջանքերը կանխարգելելու է, ու բացարձակապես թույլ չի տալու, որ «DEAŞ»-ի դեմ պայքարում թույլ կետ ձևավորվի։
Ընդունելությանը ներկա են գտնվել նաև Թուրքիայի արտգործնախարար Հաքան Ֆիդանը, նախագահականի hասարակայնության կապերի վարչության պետ Ֆահրեթին Ալթունը, նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը:
Նախատեսվում է, որ Բլինքենը կհանդիպի Հաքան Ֆիդանի հետ։ Թուրքիայի պետական «TRT Haber»-ի նշմամբ՝ ակնկալվում, որ Ֆիդան-Բլինքեն հանդիպմանն օրակարգում է լինելու ՌԴ-Ուկրաինա պատերազմը և Ադրբեջանի ու Հայաստանի միջև վերջին իրադրությունը։
Այս ենթաբաժնի վերջին նորությունները
Հանդիպման օրակարգում են լինելու տարածաշրջանային և միջազգային զարգացուները, ինչպես նաև Թուրքիա-Ֆրանսիա երկկողմ հարաբերությունները:
Հանդիպումը տեղի է ունեցել Ռամադանի տոնի առթիվ:
Արմին Լաշետը նշել է, որ արտաքին քաղաքականությունը պետք է ուշադիր գնահատվի, քանի որ մի շարք հարցերում կա Թուրքիայի կարիքը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |