Քաղաքական17:13, 16 Դեկտեմբեր 2024
Ըստ «Reuters»-ի՝ Ասադը Իրանին բողոքել է Թուրքիայից
Սիրիայում դեկտեմբերի 8-ին Հայաթ Թահրիր ալ-Շամի (ՀԹՇ) գլխավորությամբ ջիհադիստական խմբավորումների կողմից Դամասկոսի գրավումը ազդարարեց Բաշար ալ-Ասադի ռեժիմի վերջը։ Ասադը, ապաստան գտնելով Ռուսաստանում, մեղադրել է Թուրքիային իր կառավարությունը տապալելու նպատակով ջիհադիստներին աջակցելու մեջ։ Իր այդ բողոքը նա արտահայտել է իրանցի պաշոնյաների հետ խոսակցությունների ժամանակ։
Իրանցի պաշտոնյաները հայտնել են, որ Ասադը քննադատել է Թուրքիային այս գործընթացում իր ունեցած դերի պատճառով և Իրանից շարունակական աջակցության երաշխիքներ է փնտրել։
Դամասկոսում հանդիպումից հետո Իրանի արտգործնախարար Աբբաս Արաղչին հանդիպել է Թուրքիայի արտգործնախարար Հաքան Ֆիդանի հետ Թուրքիայում։ Ռոյթերսը, վկայակոչելով իրանական աղբյուրները, հաղորդում է, որ հանդիպումը լարված է եղել. Իրանը դժգոհություն է հայտնել Թուրքիայի՝ ԱՄՆ-ի և Իսրայելի օրակարգերին ենթադրյալ համապատասխանության վերաբերյալ։ Հաղորդվում է, որ Հաքան Ֆիդանը Սիրիայի ճգնաժամի համար մեղադրել է Ասադին՝ վկայակոչելով նրա ճնշող իշխանությունը և խաղաղության բանակցություններում ներգրավվելու դժկամությունը։
Իրանի գերագույն առաջնորդ այաթոլլա Ալի Խամենեին նույնպես մեկնաբանել է իրավիճակը՝ Ասադի տապալման համար պատասխանատու համարելով Միացյալ Նահանգներին և Իսրայելին, միաժամանակ անուղղակիորեն մեղադրելով Թուրքիային։ Խամենեին, ակնարկելով Թուրքիային, նշել է, որ հարևան երկիրը (Թուրքիան) տեսանելի դեր է խաղացել Սիրիայի զարգացումներում։
Թուրքիայի աջակցությամբ գործող «Սիրիայի ազգային բանակի» (նախկին «Սիրիայի ազատ բանակը») և ՀԹՇ-ի բարդ հարաբերությունները շարունակում են ուշադրություն գրավել։ Մինչդեռ այս խմբերն անցյալում բախվել են, նրանց միջև պարբերական համագործակցության մասին պնդումները շարունակվում են։ Այնուամենայնիվ, Անկարան ՀԹՇ-ն դասակարգում է որպես ահաբեկչական կազմակերպություն՝ ալ-Կաիդայի հետ կապերի պատճառով և շարունակում է բարձրաձայնել իր մտահոգությունները խմբավորման գործունեության վերաբերյալ։
Այս ենթաբաժնի վերջին նորությունները
Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը:
Հանդիպումը կկայանա Բրյուսելում ապրիլի 3-4-ը։
Հանսիպմանը երկկողմ հարաբերությունների հետ մեկտեղ քննարկվել են նաև տարածաշրջանայի և միջազգային հարցեր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
Ավտոբուսը պատկանում է թուրքական «Başak» տուրիստական ընկերությանը։
Ըստ Թուրքիայի տրանսպորտի և ենթակառուցվածքների նախարարի, երկաթուղիներում կա ցանց, որը Մեյդան-ի Էքբեզից հասնելու է Հալեպ։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Միջադեպից հետո Ժոզե Մոուրինյոն կարմիր քարտ է ստացել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |