Ռազմական15:18, 17 Դեկտեմբեր 2024
Wall Street Journal. «Թուրքիան պատրաստվում է Սիրիայի հյուսիսում նոր ռազմական գործողության»
Ամերիկյան «Wall Street Journal» թերթը, վկայակոչելով ԱՄՆ-ի և Թուրքիայի բարձարստիճան պաշտոնյանների խոսքերը, գրում է, որ Թուրքիան և իր դաշնակիցները ուժեր են մոբիլիզացնում Սիրիայի հյուսիսում «Քուրդիստանի բանվորական կուսակցության» (PKK) և «Սիրիայի քրդական ինքնապաշտպանական ուժերի» (YPG) դեմ նոր ռազմական գործողություն իրականացնելու համար։ Նշենք, որ վերոնշյալ կազմակերպությունները Թուրքիայի կողմից համարվում են ահաբեկչական։
Հիշատակելով ԱՄՆ ազգային անվտանգության խորհրդի ռազմավարական քաղաքականության և հաղորդակցության համակարգող Ջոն Քիրբիի հայտարարությունը՝ նշվում է, որ Անկարան կշարունակի մնալ առանցքային դերակատար սիրիական հարցում, ինչպես եղել է վերջին 14 տարիների ընթացքում։
Մասնավորապես նշվում է, որ Թուրքիայի ռազմական մոբիլիզացիան նման է 2019-ի Սիրիայի հյուսիս-արևելքում ռազմական գործողություններից առաջ տիրող իրավիճակին, որի ընթացքում ԱՄՆ-ն ճնշում էր գործադրում զսպվածություն դրսևորելու համար։
«Wall Street Journal»-ը նաև հիշատակում է նախորդ շաբաթվա ընթացքում Թուրքիայի նախագահ Ռեջեփ Թայիփ Էրդողանի հայտարարությունը. «Թուրքիան որքան հնարավոր է շուտ կոչնչացնի ահաբեկչական կազմակերպությունները»։ Ինչպես նաև մեջբերվում է Թուրքիայի արտգործնխարար Հաքան Ֆիդանի հետևյալ հայտարարությունը՝ «Թուրքիայի ռազմավարական նպատակը «YPG»-ի գոյությանը վերջ տալն է ու «YPG»-ն ունի երկու տարբերակ՝ կա՛մ ինքնալուծարվել, կա՛մ ուժով ոչնչացվել»։
Վերոնշյալ հայտարարությունները հիմք են հանդիսացել, որպեսզի «Wall Street Journal»-ը հանգի այն ենթադրությանը, որ Թուրքիան պատրաստվում է նոր ռազմական գործողություն իրականացնել։
Այս ենթաբաժնի վերջին նորությունները
«Eurofighters» կործանիչների գնումը դիտվում է որպես ռազմական բալանսը փոխող գործոն Թուրքիայի համար:
Նշվում է, որ Թուրքիայի ռազմական մոբիլիզացիան նման է 2019-ի Սիրիայի հյուսիս-արևելքում ռազմական գործողություններից առաջ տիրող իրավիճակին։
Նշվել է, որ թուրքական «Baykar»-ը անօդաչու թռչող սարքեր է մատակարարել 27 երկրի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ալի Խամենեին նույնպես մեկնաբանել է իրավիճակը՝ Ասադի տապալման համար պատասխանատու համարելով ԱՄՆ-ին և Իսրայելին, միաժամանակ անուղղակիորեն մեղադրելով Թուրքիային։
«Eurofighters» կործանիչների գնումը դիտվում է որպես ռազմական բալանսը փոխող գործոն Թուրքիայի համար:
Նոբելյան մրցանակակիր տնտեսագետն Անթալիայում ունեցած ելույթ է ունեցել Թուրքիայի տնտեսության վերաբերյալ։
Նշվել է, որ թուրքական «Baykar»-ը անօդաչու թռչող սարքեր է մատակարարել 27 երկրի։
Թուրքիան կոչ է արել միջազգային հանրությանը վճռաբար արձագանքել Իսրայելի գործողություններին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |