Քաղաքական10:10, 10 Փետրվար 2025
Էրդողանը պատասխանել է Թրամփին. «Ոչ ոք չի կարող Գազայից տեղահանել պաղեստինցիներին»
Թուրքիայի նախագահ Ռեջեփ Թայիփ Էրդողանն Աթաթուրքի օդանավակայանի «Devlet Konukevi»-ում (թարգմ. պետական հյուրատուն) մամուլի ասուլիս է տվել:
Ասուլիսի ընթացքում նա անդրադարձել է մի շարք օրակարգային հարցերի, առավելապես անդրադարձը Պաղեստինի Գազայի հատվածի շուրջ տեղի ունեցող վերջին իրադարձություններին:
ԱՄՆ նախագահ Դոնալդ Թրամփի՝ Գազայի հատվածի նկատմամբ վերահսկողությունն ամերիկյան կողմի ձեռքը վերցնելու և այնտեղի բնակիչներին ժամանակավորապես տեղափոխելու մասին հայտարարություններին ի պատասխան՝ Թուրքիայի առաջնորդը մասնավորապես ասել է.
«Ոչ ոք բավարար ուժ չունի Գազայի բնակիչներին հազարավոր տարիներ իրենց պատկանող հավիտենական հայրենիքից հանելու համար: Գազայի հատվածով, Արևմտյան Ափով և Արևելյան Երուսաղեմով Պաղեստինը պաղեստինցիներինն է»:
Հիշեցնենք, որ Թրամփի ծրագրի համաձայն՝ Գազայի բնակիչները մինչև տարածքի վերակառուցումը պետք է ժամանակավորապես տեղափոխվեն հարևան երկրներ, ինչպիսիք են Եգիպտոսը և Հորդանանը: Սպիտակ տունը պարզաբանել էր, որ այս տեղափոխումը կլինի ժամանակավոր, և ամերիկյան զինված ուժերի ներգրավվածություն նախատեսված չէ:
Նրա առաջարկը նաև ներառում է Գազայի վերակառուցումը ԱՄՆ-ի և Մերձավոր Արևելքի այլ երկրների հովանու ներքո՝ ապահովելով, որ պաղեստինյան արմատական «ՀԱՄԱՍ» խմբավորումը չվերադառնա այդ տարածք։
Այս հայտարարություններն արժանացել էին միջազգային հանրության քննադատությանը։ Նույնիսկ «ՄԱԿ»-ի գլխավոր քարտուղար Անտոնիո Գուտերեշը կոչ էր արել խուսափել էթնիկ զտումների ցանկացած ձևից և հավատարիմ մնալ միջազգային իրավունքին։
Այս ենթաբաժնի վերջին նորությունները
Էրդողանը Մալայզիայի վարչապետի հետ համատեղ մամուլի ասուլիսում մեղադրանքներ է հնչեցրել Իսրայելի հասցեին՝ հորդորելով վերջ տալ «Գազայի օկուպացիային»:
Ըստ քուրդ պատգամավորի, եթե Էրդողանը կարողանա լուծել քրդական հարցը, ապա նա կհիշվի որպես Թուրքիայի Հանրապետության 2-րդ հիմնադիր:
ԱՄՆ նախագահն ավելի վաղ հայտարարել էր Գազան ամերիկյան վերահսկողության տակ առնելու, ինչպես նաև այն վերակառուցելու նպատակով բնակիչներին ժամանակավորապես տեղափոխելու մասին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ քուրդ պատգամավորի, եթե Էրդողանը կարողանա լուծել քրդական հարցը, ապա նա կհիշվի որպես Թուրքիայի Հանրապետության 2-րդ հիմնադիր:
Հունաստանը նշում է, որ դեմ է այդ գործարքին և պատրաստվում է բողոքի նոտա հղել։
ԱՄՆ նախագահն ավելի վաղ հայտարարել էր Գազան ամերիկյան վերահսկողության տակ առնելու, ինչպես նաև այն վերակառուցելու նպատակով բնակիչներին ժամանակավորապես տեղափոխելու մասին:
Այս ցուցանիշը համարվում է ամենամեծ ներդրումը, որը երբևէ կատարվել է Թուրքիայում։
Էգեյան ծովում արդեն 2-րդ օրն անընդմեջ 5 բալ ուժգնությամբ երկրաշարժ է գրանցվում, իսկ ցնցումների սաստակցման դեպքում դիտվում է ցունամիի հնարավորություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |