Թուրքիան արտադրում է լազերային ՀՕՊ համակարգ

Ռազմական11:20, 12 Փետրվար 2025

Թուրքիան արտադրում է լազերային ՀՕՊ համակարգ

Թուրքական ռազմարդյունաբերական «Roketsan» ընկերությունը հրապարակել է տեղական միջոցներով արդիականացված հակաօդային պաշտպանության (ՀՕՊ) «Alka» համակարգի փորձարկման կադրերը: Այն լազերիային է և ունի 750մ հեռահարություն։

Այդ համակարգի կարողունակությանն է անդրադարձել ընկերության գործադիր տնօրեն Մուրադ Իքինջին: Նշել է, որ համակարգը ռազմավարական նշանակություն ունի Թուրքիայի համար, քանի որ այն ունակ է ավելի ուժեղ պաշտպանություն ապահովել նաև այժմ արտադրության փուլում գտնվող թուրքական 2-րդ ավիակիր «Mavi Vatan» նավի համար:

Իքինջիի խոսքով՝ այն նպաստելու է Թուրքիայի կողմից կատարելագործվող «Երկաթե գմբեթ» (Çekik Kübbe) ՀՕՊ համակարգի կարողունակության բարձրացմանը ևս:

Թուրքական ընկերության գործադիր տնօրենն ընդգծել է նաև, որ մտադիր են ամենակարճ ժամանակահատվածում ավարտել «Երկաթե գմբեթի» ստեղծման աշխատանքները:

Թուրքական մամուլում նշվում է, որ հիշյալ համակարգն արդեն ձևավորման վերջին փուլում է:

Նշենք, որ Թուրքիան մտադիր է ամուր ՀՕՊ համակարգ ստեղծել, որը հիմնված կլինի միայն տեղական ռազմարդյունաբերության վրա: Նմանատիպ բազմաշերտ համակարգ ունի նաև Իսրայելը:

Աղբյուր` Ntv.com.tr

Այս ենթաբաժնի վերջին նորությունները

15:48, 12 փետ

Թուրքիան և Ինդոնեզիան կհիմնեն անօդաչու թռչող սարքերի համատեղ գործարան

Թուրքական արտադրության «TB3» և «Akıncı» անօդաչու թռչող սարքերը նաև կարտահանվեն Ինդոնեզիա։

14:00, 12 փետ

Թուրքիան սեփական արտադրության զրահամեքենան կցուցադրի ԱՄԷ-ում

«Ejder Yalçı» զրահամեքենաների «EWB» տարբերակը պոտենցիալ սպառողներին կներկայացվի 2025-ի «Միջազգային պաշտպանական ցուցահանդես-վաճառք» կոնֆերանսի շրջանակներում: