Ռազմական12:01, 13 Փետրվար 2025
Իսրայելը սպառնալիք է համարում Թուրքիայի աճող ռազմական կարողությունները
Իսրայելական «Alma» ինստիտուտի հետազոտական կենտրոնը զեկույց է հրապարակել Թուրքիայի կողմից հետզհետե աճող ռազմական կարողությունների վերաբերյալ:
Զեկույցում նշվել է, որ ռազմական ոլորտում թուրքական կողմի ձեռքբերումները ռազմավարական վտանգ են ներկայացնում Իսրայելի համար:
Ուշադրություն է հրավիվրել այդ ոլորտի զարգացման վերաբերյալ Թուրքիայի նախագահ Ռեջեփ Թայիփ Էրդողանի հայտարարությունների վրա:
«Նախագահ Էրդողանը խոսել է մինչև 2000կմ հեռահարություն ունեցող բալիստիկ հրթիռներ ստեղծելու մասին: Այս դեպքում թիրախն Իսրայելն է»,-ասվել է զեկույցում:
Խոսվել է նաև թուրքական հետախուզական և հարվածային անօդաչու թռչող սարքերի (ԱԹՍ) արդիականացման մասին: Այս համատեքստում շեշտվել է, որ դրանք արդեն գերազանցում են անգամ իսրայելական և ամերիկյան ԱԹՍ-ներին:
Զեկույցում տեղ են գտել վերջերս Սիրիայում տեղի ունեցած հեղափոխությանն ու այժմ այդ երկրում տեղի ունեցող զարգացումներին վերաբերող գնահատականներ ևս:
Այս համատեքստում ընդգծվել է, որ Թուրքիան նպատակ ունի վերակենդանացնել Օսմանյան կայսրության ժամանակ եղած թուրքական ազդեցությունը:
«Այս զարգացումները ցույց են տալիս, որ Թուրքիան ջանքեր է գործադրում տարածաշրջանում իր ազդեցությունը մեծացնելու, սուննի իսլամական գաղափախոսությունը կիրառելու և նոր օսմանյան ազդեցության տեսլականը վերակենդանացնելու նպատակով»:
Վերլուծությունների ամփոփման հատվածում նշվել է, որ Իսրայելը պետք է հաշվի առնի թուրքական նկրտումները և հետևողական լինի այդ ուղղությամբ իրականացվող քայլերին:
Բացի այդ անհրաժեշտ է համարվել վերանայել պաշտպանական ռազմավարութունը՝ ուղիղ Թուրքիայից և կամ Թուրքիայի գործողությունների հետևանքով ձևավորվելիք սպառնալիքներին հակադարձելու նպատակով:
Նշենք, որ Թուրքական մամուլում զեկույցի մասին լուրերը հիմնականում վերնագրվել են այս կերպ. «Էրդողանի հրթիռային ծրագրի մասին հայտարարությունն Իսրայելում խուճապ է առաջացրել»:
Այս ենթաբաժնի վերջին նորությունները
Իսրայելական «Alma» ինստիտուտի հետազոտական կենտրոնը խորհուրդ է տալիս վերանայել պաշտպանական ռազմավարությունը Թուրքիայից եկող ուղիղ սպառնալիքներին հակադարձելու համար։
Նախկինում այդ կործանիչների մատակարարումները չեղարկվել էին Անկարայի կողմից ռուսական S-400 ՀՕՊ համակարգեր գնելու պատճառով:
Թուրքական արտադրության «TB3» և «Akıncı» անօդաչու թռչող սարքերը նաև կարտահանվեն Ինդոնեզիա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Դենդիասի նման խոսքերը սկանդալային են համարվել թուրքական մամուլում, սակայն այն պաշտոնական արձագանքի դեռևս չի արժանացել:
Իսրայելական «Alma» ինստիտուտի հետազոտական կենտրոնը խորհուրդ է տալիս վերանայել պաշտպանական ռազմավարությունը Թուրքիայից եկող ուղիղ սպառնալիքներին հակադարձելու համար։
«Roketsan» ընկերության գործադիր տնօրենի խոսքով՝ այն նպաստելու է ձևավորվող «Երկաթե գմբեթ» համակարգի կարողունակության բարձրացմանը:
Թուրքիայի նախկին վարչապետ. «Թող Գազայի բնակիչները հանրաքվե անեն և միանան Թուրքիային՝ որպես ինքնավար շրջան, մինչև կստեղծվի Պաղեստինի պետություն»:
Նախազգուշացումը կապված է մեթիլ սպիրտով արտադրված կեղծ խմիչքների պատճառով արձանագրված մահվան դեպքերի և Ռամադան ամսվա հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |