Քաղաքական21:40, 19 Փետրվար 2025
Թուրք-ադրբեջանական համագործակցությունը մեդիա դաշտում նոր փուլ է մտել
Բաքվում տեղի է ունեցել հատուկ կլոր սեղան-քննարկում՝ նվիրված Թուրքիայի և Ադրբեջանի միջև մեդիա ոլորտում ռազմավարական համագործակցության 5-ամյակին: Միջոցառումը համատեղ կազմակերպել են Թուրքիայի նախագահականի հանրային կապերի վարչության Բաքվի գրասենյակը և Ադրբեջանի մեդիայի զարգացման գործակալությունը:
Հանդիպմանը ներկա են գտնվել երկու երկրների բարձրաստիճան պաշտոնյաներ, այդ թվում՝ Թուրքիայի դեսպան Բիրոլ Աքգյունը և Ադրբեջանի մեդիայի զարգացման գործակալության նախագահ Ահմեթ Իսմայիլովը: Միջոցառման ընթացքում ընթերցվել է Թուրքիայի նախագահականի հանրային կապերի վարչության ղեկավար Ֆահրեթթին Ալթունի ուղերձը, որտեղ հատուկ կարևորվել է երկու երկրների միջև ստեղծված համատեղ մեդիա հարթակի դերը:
Ադրբեջանում Թուրքիայի դեսպան Աքգյունը շեշտել է մեդիա համագործակցության առանցքային նշանակությունը՝ հատկապես ընդգծելով միջազգային հանրությանը ճշգրիտ տեղեկատվություն հասցնելու կարևորությունը: Նա վերահաստատել է Թուրքիայի պատրաստակամությունը՝ շարունակելու սերտ համագործակցությունը Ադրբեջանի հետ բոլոր ոլորտներում:
Սոցիալական հետազոտությունների կենտրոնի նախագահ Զահիթ Օրուչն իր հերթին նշել է, որ երկու երկրները տեղեկատվական դաշտում բախվում են նույն մարտահրավերներին, և դրանց հաղթահարման համար անհրաժեշտ է ուժեղացնել համատեղ աշխատանքը: Քննարկման մասնակիցները համաձայնել են, որ անհրաժեշտ է խորացնել համագործակցությունը մեդիա ոլորտում՝ ընդհանուր շահերի պաշտպանության նպատակով:
Դեսպան Աքգյունը, անդրադառնալով «Երկրորդ ղարաբաղյան» պատերազմի ընթացքում Թուրքիայի անսասան աջակցությանը Ադրբեջանին և 2023թ. փետրվարյան երկրաշարժերից հետո Ադրբեջանի օգնությանը Թուրքիային, վերահաստատել է Թուրքիայի պատրաստակամությունը՝ իր բոլոր կարողություններով կանգնելու ադրբեջանցի եղբայրների կողքին: Նա պնդել է, որ ոչ մի ուժ չի կարող խախտել Թուրքիայի և Ադրբեջանի միասնությունը:
Խոսելով «Երկրորդ ղարաբաղյան» պատերազմի ընթացքում թուրքական մեդիայի դերի մասին՝ Աքգյունը շեշտել է, որ առանց մեդիա համերաշխության շատ ավելի դժվար կլիներ աշխարհին հասկացնել իրենց գործը:
Անդրադառնալով որոշ շրջանակների կողմից Թուրքիայի և Ադրբեջանի դեմ իրականացվող վարկաբեկման արշավներին, Օրուչը նշել է, որ երկու երկրներն ունեն նույն հակառակորդները տեղեկատվական ճակատում: Նա շեշտել է, որ այդ մարտահրավերները հնարավոր է հաղթահարել միայն համատեղ ջանքերով:
Այս ենթաբաժնի վերջին նորությունները
Էքրեմ Իմամօղլուն պաշտոնապես ներկայացրել է առաջիկա նախագահական ընտրություններում որպես ԺՀԿ թեկնածու լինելու իր միջնորդությունը։
Թոմաս Օսովսկին հայտարարել է, որ կառույցը ձգտում է ամրապնդել հարաբերությունները Թուրքիայի հետ՝ ընդգծելով վիզայի հարցի լուծման անհրաժեշտությունը:
Ստամբուլի Դոլմաբահչե պալատում կայացել է «Թուրքիա-Կատար խառը տնտեսական հանձնաժողովի» հերթական նիստը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշենք, որ ընկերությունը ներկայացված է ԱՄԷ-ում անցկացվող «IDEX» տոնավաճառին։
Ինչպես եղավ, որ Էրդողանի կուսակցությունը խորհրդարանում տարավ ջախջախիչ հաղթանակ՝ ձևավորելով միակուսակցական կառավարություն։
Խոսելով «Երկրորդ ղարաբաղյան» պատերազմի ընթացքում թուրքական մեդիայի դերի մասին, դեսպան Աքգյունը շեշտել է, որ առանց մեդիա համերաշխության շատ ավելի դժվար կլիներ աշխարհին հասկացնել իրենց գործը:
Թուրքիայում քրդական թատրոնները փակվում են, իսկ համայնքներին արգելվում է քրդերենով ծառայություններ մատուցել։
Բրիտանակն թերթը լրագրող Ալեքսանդր Քլափի ստորագրությամբ հոդվածում բացահայտել է, որ Թուրքիան, չնայած «Զրո աղբ» նախագծի հռչակմանը, վերածվել է Եվրոպայի աղբի հիմնական ներմուծողի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |