Ռազմական11:35, 19 Փետրվար 2025
Հունաստանի վարչապետ. «Թուրքիան չպետք է ունենա «Meteor» հրթիռներ
Հունաստանի վարչապետ Կիրիակոս Միցոտակիսը հարցազրույց է տվել հունական «Kathimerini» թերթին։ Միցոտակիսն անդրադարձել է նաև Թուրքիայի ռազմարդյունաբերությանը և նշել, որ Հունաստանը հետևում է այդ ոլորտում Թուրքիայի զարգացումներին։
Միցոտակիսը նշել է, որ Հունաստանին անհանգստացնում է ֆրանսիական «Meteor» հրթիռների վաճառքը Թուրքիային և այդ պատճառով հանդիպել է Ֆրանսիայի նախագահ Էմանուել Մակրոնի հետ, բայց ստացել է բացասական արձագանք։ Ըստ Հունաստանի վարչապետի՝ Մակրոնը նշել է, որ այդ հրթիռներն արտադրվում են կոնսորցիումի կողմից, որտեղ ընդգրկված են նաև Անգլիան, Գերմանիան, Իտալիան, Իսպանիան և Շվեդիան։
Հունաստանի դիրքորոշման հետ կապված վերոնշյալ երկրները նույնպես հայտարարել են, որ կքննարկեն հրթիռների վաճառքը չեղարկելու հարցը։
Միցոտակիսը շեշտել է, որ Թուրքիան չպետք է ունենա այդ հրթիռները։
Անդրադառնալով թուրք-հունական հարաբերություններին՝ Հունաստանի կառավարության ղեկավարը նշել է, որ կողմ է բարիդրացիական հարաբերություններին, մի շարք ոլորտներում համագործակցությանը, բայց և շեշտել, որ միամիտ չէ այդ հարցերում։
Նա նաև ընդգծել է, որ աշխատանքներ են տարվում երկրի ռազմարդյունաբերության և զինված ուժերի հզորացման ուղղությամբ և այդ ամենն արվում է, որպեսզի պաշտպանեն Թուրքիայի հետ ունեցած սահմանները։
Հիշեցնենք, որ որոշ ժամանակ առաջ Հունաստանի պաշտպանության նախարար Նիկոս Դենդիասն ևս խիստ էր արձագանքնել Ֆրանսիայի կողմից Թուրքիային «Meteor» տեսակի հրթիռներ վաճառելու մասին լուրերին և նշել, որ եթե Ֆրանսիան հավանություն տա այդ վաճառքին, ապա լրջագույն հարված կհասցվի Աթենք-Փարիզ ռազմական համագործակցությանը։
Այս ենթաբաժնի վերջին նորությունները
Արաբական Միացյալ Էմիրություններում անցկացվում է «IDEX» ռազմարդյունաբերության տոնավաճառը, որտեղ ներկայացված է նաև թուրքական ռազմարդյունաբերական «Meteksan» ըկերությունը։
Թուքիայի խորհրդարանի Ազգային պաշտպանության հանձնաժողովի ղեկավարը Բաքու այցի շրջանակներում հանդիպել է Ադրբաջանի պաշտպանության նախարար Զաքիր Հասանովի հետ։
Նշենք, որ ընկերությունը ներկայացված է ԱՄԷ-ում անցկացվող «IDEX» տոնավաճառին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշենք, որ ընկերությունը ներկայացված է ԱՄԷ-ում անցկացվող «IDEX» տոնավաճառին։
Ինչպես եղավ, որ Էրդողանի կուսակցությունը խորհրդարանում տարավ ջախջախիչ հաղթանակ՝ ձևավորելով միակուսակցական կառավարություն։
Խոսելով «Երկրորդ ղարաբաղյան» պատերազմի ընթացքում թուրքական մեդիայի դերի մասին, դեսպան Աքգյունը շեշտել է, որ առանց մեդիա համերաշխության շատ ավելի դժվար կլիներ աշխարհին հասկացնել իրենց գործը:
Թուրքիայում քրդական թատրոնները փակվում են, իսկ համայնքներին արգելվում է քրդերենով ծառայություններ մատուցել։
Բրիտանակն թերթը լրագրող Ալեքսանդր Քլափի ստորագրությամբ հոդվածում բացահայտել է, որ Թուրքիան, չնայած «Զրո աղբ» նախագծի հռչակմանը, վերածվել է Եվրոպայի աղբի հիմնական ներմուծողի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |