Քաղաքական16:48, 04 Մարտ 2025
Թուրք ընդդիմադիրներն Օջալանի կոչի մասին. «Արագ գործենք, որպեսզի ռիսկերը չեզոքացվեն»
Մինչ թուրքական իշխանություններն արձագանքում են իրենց համար ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանի զինաթափման կոչին, լուրեր են տարածվում դրան հաջորդող «ծայրաստիճան կարևոր» օրերի վերաբերյալ:
Քրդական «Mezopotamya» լրատվական գործակալության թղթակից Մեհմեդ Ասլանը գրում է, որ Օջալանի կոչին հաջորդող առաջին 10 օրը մեծ նշանակություն ունի և չափազանց կարևոր է: Նրա խոսքով՝ այդ օրերին իշխանություններն ու պետությունը (Թուրքիան) պետք է իրավական և օրինական քայլեր ձեռնարկեն:
Հատկանշական է, որ անհրաժեշտ քայլերի մասին այլ մանրամասներ չեն հաղորդվում, սակայն Օջալանի հետ բանակցող ընդդիմադիր «Ժողովուրդների հավասարություն և ժողովրդավարություն կուսակցության» (DEM) խոսնակ Այշեգյուլ Դողանը մտավախություն է հայտնում իրավիճակի հնարավոր ռիսկայնության մասին:
«Արագ գործենք, որպեսզի ռիսկերը չեզոքացվեն»,-ասել է նա:
Նույն կուսակցության անդամ, ընդդիմադիր պատգամավոր Սըրրը Սյուրեյյա Օնդերն էլ զուգահեռաբար հայտնում է, որ քննարկվել է Իմրալըի շփումների բաց լինելու անհրաժեշտությունը, չնայած նրան, որ դեռևս հայտնի չէ, թե ինչ ֆորմատով են շարունակվելու շփումներն Օջալանի հետ և արդյոք կրկին պատվիրակություն, թե փաստաբաններ, լրագրողներ և քաղաքական գործիչներ են գնալու:
Նշենք նաև, որ իրավիճակի նման զարգացումների բովում Օջալանի հետ 3 անգամ հանդիպած ընդդիմադիրների պատվիրակությունը շարունակում է շփումներն իշխանության հետ:
Տեղեկություններ կան նույնիսկ, որ մարտի 3-ին՝ պատվիրակության հանդիպումների ծրագրմանը ներկա է գտնվել նաև անձամբ Թուրքիայի նախագահ Ռեջեփ Թայիփ Էրդողանը:
Հիշեցնենք, որ Մարմարա ծովի Իմրալը կղզում ցմահ բանտարկյալ Աբդուլահ Օջալանի կոչն ընթերցվել էր փետրվարի 27-ին, երբ DEM-ի 7 անդամից կազմված պատվիրակությունը վերադարձել էր Օջալանի հետ հանդիպումից:
Այս ենթաբաժնի վերջին նորությունները
Թուրքական մամուլում շրջանառվում են PKK-ի հիմնադիր-առաջնորդի զինաթափման կոչին հաջորդող գործողությունների հնարավոր սցենարները:
Յաշար Գյուլերը հայտարարել է, որ գործընթացի սաբոտաժը չի հանդուրժվելու Թուրքիայի կողմից:
Իսրայելական «Hayom» թերթի համաձայն՝ Թել Ավիվը հավաստիացումներ է պահանջել Վաշինգտոնից, որ Թուրքիան Սիրիայում ռազմաբազա չի հիմնի:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Դեսպանների հետ հանդիպմանը Թուրքիայի նախագահն անդրադարձել է Հարավային Կովկասին, մասնավորապես Հայաստան-Թուրքիա կարգավորման գործընթացին։
Իսմայիլ Բեքայը նշել է, որ Թուրքիայի արտգործնախարարից լսած խոսքերը բնավ կառուցողական չէին։
Սույն հոդվածում ներկայցվում է, թե ինչպես են Թուրքիան, տարածաշրջանի քրդերն ու երկրներն արձագանքել PKK-ի հիմնադիր առաջնորդի զենքերը վայր դնելու և ինքնալուծարվելու վերաբերյալ կոչին։
Նախատեսվում է, որ Ֆիդանը կվերահաստատի Թուրքիայի աջակցությունը Ուկրաինայի տարածքային ամբողջականությանը, ինքնիշխանությանը և անկախությանը։
Մարտի 1-ից թանկացել է Ֆրանսիայից Թուրքիա մեկնող աշխատուժի համար նախատեսված ինքնաթիռների տոմսերի հարկային վճարը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |