Քաղաքական10:01, 06 Մարտ 2025
Էրդողան. «Իգդիր-Նախիջևան գազատարը կապահովի էներգետիկ անվտանգություն»
Մարտի 5-ին Ադրբեջանի նախագահ Իլհամ Ալիևն Անկարայում հանդիպել է Թուրքիայի նախագահ Ռեջեփ Թայիփ Էրդողանին: Երկու երկրների առաջնորդները նաև առցանց հետևել են Իգդիր- Նախիջևան գազատարի բացման արարողությանը։
Հանդիպումից հետո կողմերը հանդես են եկել համատեղ մամուլի ասուլիսով:
Էրդողանը հայտնել է, որ Ադրբեջանի հետ սերտ և «եղբայրական» կապեր ունեն, իսկ համագործակցությունը բոլոր ոլորտներում հաջող է ընթանում:
«Մեր երկրների հարաբերությունները շարունակաբար զարգանում են լայն ընդգրկումով՝ պաշտպանությունից մինչև առևտուր»,-հավելել է նա:
Թուրքիայի նախագահը երկկողմ համագործակցության մեջ առանձնահատուկ է համարել էներգետիկայի ոլորտը, որտեղ մի շարք նախագծեր արդեն իսկ իրականացվել են:
Նա նաև գոհունակություն է հայտնել Ադրբեջանի տարածքով դեպի Եվրոպա նշանակալի ծավալով գազի մատակարարում ապահովելու մասով:
«Այս ոլորտում ռազմավարական և բեկումնային նախագծեր իրագործելու հարցում Ադրբեջանի հետ լիովին ներդաշնակ ենք»,-ասել է նա:
Էրդողանը խոսելով Իգդիր-Նախիջևան գազատարի գործարկման մասին, ընդգծել է, որ այդպիսով ամբոջղովին կապահովվի Նախիջևանի բնական գազի պահանջարկը և էներգետիկ անվտանգությունը:
Բացի այդ, Թուրքիայի առաջնորդն անդրադարձել է տարածաշրջանային քաղաքականությանը և հավելել, որ «երկու երկրներն էլ միտված են խաղաղության»:
«Վճռական ենք տարածաշրջանային խաղաղությանը, բարօրությանը և հանգստությանն ուղղված ամեն տեսակ նախագիծ կյանքի կոչել»:
Էրդողանը վերջում նշել է նաև, որ նմանատիպ գործընթացներն էլ ավելի են ամրապնդելու Թուրքիայի և Ադրբեջանի միջև առկա հարաբերությունները՝ դրանք որակելով «եղբայրական»:
Այս ենթաբաժնի վերջին նորությունները
DEM կուսակցության համանախագահի կարծիքով՝ «Քուրդիստանի բանվորական կուսակցությունը» պետք է ժողով գումարի և հայտնի իր դիրքորոշումը՝ Աբդուլլահ Օջալան կոչի վերաբերյալ:
Այսպիսի հայտարարություն է արել Ռոժավայում գործող «Սիրիայի դեմոկրատական ուժերի» հետ կապ ունեցող «Սիրիայի դեմոկրատական խորհրդի» համաղեկավար Իլհամ Էհմեդը:
Զինվորական կառույցի վրա իրականացված մահապարտների հարձակման հետևանքով նախնական տվյալների համաձայն՝ մահացել է 12 մարդ, որից 4-ը երեխա, ևս 30-ը վիրավորվել են:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Խոսվում է այն մասին, որ այլևս առկա չէ այն պատճառը, ինչից ելնելով Թուրքիան փակել էր Հայաստանի հետ սահմանը։
Մայքլ Ռուբինը պնդում է, որ Թուրքիան մտադիր է ատոմային զենք ստեղծել:
Նշվում է, որ սա դեռ նախնական փուլն է, ապագայում նախատեսվում է պատ կառուցել Հունաստանի սահմանի ողջ երկայնքով։
Համաձայնագիրը ստորագրվել էր 2024-ի մայիսի 14-ին Ստամբուլում:
Ռեջեփ Թայիփ Էրդողանը հեռախոսազրույց է ունեցել Կիրիակոս Միցոտակիսի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |