Իտալական և թուրքական ընկերությունները համագործակցում են ԱԹՍ-ների արտադրության հարցում

Ռազմական11:42, 10 Մարտ 2025

Իտալական և թուրքական ընկերությունները համագործակցում են ԱԹՍ-ների արտադրության հարցում

Իտալական խոշորագույն ռազմական և ավիացիոն ընկերությունը՝ «Leonardo»-ն, փոխըմբռնման հուշագիր է ստորագրել թուրքական «Baykar» անօդաչու թռչող սարքերի (ԱԹՍ) ընկերության հետ։ Փոխըմբռնման հուշագիրը ստորագրել են «Leonardo»-ի գործադիր տնօրեն Ռոբերտո Չինգոլանին և «Baykar» ընկերության խորհրդի նախագահ Սելչուկ Բայրաքթարը (Էրդողանի փեսա)։

Ըստ այդմ՝ Իտալիայում նախատեսվում է հիմնել անօդաչու թռչող սարքերի համատեղ ձեռնարկություն, իսկ արտադրությունը կիրականացվի երկու երկրներում։

Հուշագիրը կընդգրկի այնպիսի ոլորտներ, ինչպիսիք են անօդաչու թռչող սարքերի նախագծումը, արտադրությունը և սպասարկումը: Նշվում է, որ թուրքական և իտալական ընկերությունները նպատակ ունեն զարգացնել բարձր տեխնոլոգիական անօդաչու թռչող սարքեր, մասնավորապես եվրոպական շուկայի համար:

Իտալական լրատվամիջոցները գրում են, որ Leonardo-Baykar համագործակցությունը կարող է կապված լինել իտալական բանակի ծրագրերի հետ, ըստ որի, նախատեսվում է գնել 1300 միավոր ռազմական նշանակության անօդաչու թռչող սարք։

Աղբյուր` medyascope.tv

Այս ենթաբաժնի վերջին նորությունները

16:40, 10 մարտ

Թուրքիայի զենքի արտահանման ծավալները վերջին 4 տարում աճել են 103%-ով

Ստոկհոլմի միջազգային խաղաղության ինտիտուտը զեկույց է հրապարակել համաշխարհային զենքի առևտրի վերաբերյալ և նշել, որ Թուրքիան համաշխարահային զենքի արտահանման մեջ ավելացրել է իր մասնաբաժինը մինչև 1.7%։